Transhazar halkara ulag geçelgesi boýunça konteýner daşamalarynyň bahalary aprel aýy bilen deňeşdirilende maý aýynda ýene-de peseldi. Daşlaýjylaryň bahalandyrmagyna görä, iýun aýynda-da bu ugur boýunça bahalaryň ortaça 6 göterim çemesi goşmaça arzanlamagyna garaşylýar. Bu barada “Argus” baha beriş agentligi penşenbe güni habar berdi.

Bahalaryň arzanlamagy yzly-yzyna üçünji aý dowam edýär. Bu ýagdaý Hytaýdan Ýewropa alternatiw ugur bolan Gyzyl deňiz arkaly durnukly ibermeleriň dikeldilmegi bilen baglanyşyklydyr. Netijede, ugurlar arasynda bäsdeşlik güýçlendi we bu bahalara täsirini ýetirdi.

“Artýan bäsdeşlik şertlerinde daşaýjylar Hytaýdan Ýewropa Hazar deňzinden geçýän birleşdirilen ugur boýunça konteýner daşamalary üçin has arzan bahalary hödürlemäge mejbur bolýarlar” diýip, logistika kompaniýalarynyň wekilleri ýagdaýy düşündirýärler.

Bu ugur boýunça konteýner daşamalarynyň intensiwliginiň peselmegi, demir ýol gatnawlarynyň tizligine oňyn täsir edýär diýip, pudakdaky çeşmeler habar berýär.