Türkmenistanyň syýahatçylyk agentlikleriniň wekilleri Türkiýä saparynyň çäklerinde ýurduň “Syýahatçylyk paýtagty” diýlip atlandyrylýan Antalýa şäherine baryp gördüler. Bu barada Türkiýäniň Türkmenistandaki ilçihanasyny duşenbe güni habar berdi.

Syýahatçylyk agentlikleriniň bu sapary Türkiýäniñ Syýahatçylygy mahabatlandyryş we özgerdiş Agentligi hem-de “Turkish Airlines” Awiakompaniýasy tarapyndan gurnaldy we bu sapara Türkmenistanyň 10 sany syýahatçylyk agentlikleriniň wekilleri gatnaşdy. 

Deňiz, çäge we gün şygary bilen geçirilen maksatnama gatnaşyjylar ýokary ülňülere gabat gelýän, şeýle hem syýahatçylyk pudagynda öňdebaryjy bolan 8 sany myhmanhana baryp gördüler.

Saparyň dowamynda syýahatçylyk agentlikleriniň wekilleri Antalýanyň täsin tagamlary we köp sanly syýahatçylyk ýerleri, tebigaty, taryhy we medeni mirasy bilen tanyşmaga mümkinçilik gazandylar.

Şeýle hem maglumat alyşmak we hyzmatdaşlygy ýola goýmak maksady bilen Türkiýäniň syýahatçylyk pudagynyň wekilleri bilen işewürlik duşuşyklary geçirilip, türkmen hünärmenlerine ýurduň syýahatçylyk pudagy barada maglumat berildi.