Dünýä Liderleri , hökümet ýolbaşçylary şeýle hem birnäçe guramalaryň ýolbaşçylary Gurban baýramy mynasybetli Türkmenistanyň Prezidenti Serdar Berdimuhamedowa gutlag hatyny iberdiler. Bu barada Türkmenistanyň resmi metbugaty anna güni habar berdi.

Azerbaýjan Respublikasynyň Prezidenti Ilham Aliýew, Birleşen Arap Emirlikleriniň Prezidenti Şeýh Mohammed bin Zaýed AL Nahaýýan, Palestina Döwletiniň Prezidenti Mahmud Abbas, Russiýa Federasiýasynyň Tatarystan Respublikasynyň Baştutany Rustam Minnihanow gutlag hatlaryny ýolladylar.

Şeýle hem Liwiýanyň Prezident Geňeşiniň Başlygy Muhammad Ýunus Al-Manfi, Owganystanyň Ministrler Kabinetiniň Başlygy Alhaj molla Mohammad Hassan Ahund, Birleşen Arap Emirlikleriniň wise-prezidenti, Premýer-ministri, Dubaýyň häkimi Şeýh Mohammed bin Raşid Al Maktum, Birleşen Arap Emirlikleriniň wise-prezidenti, Premýer-ministriniň orunbasary, Prezidentiň iş dolandyryş ministry Şeýh Mansur bin Zaýed AL Nahaýýan, Kuweýt Döwletiniň mirasdüşer şazadasy Şeýh Sabah Halid Al-Hamad Al-Sabah, Katar Döwletiniň Olimpiýa Komitetiniň Prezidenti Şeýh Joaan bin Hamad al Tani, Russiýa Federasiýasynyň Tatarystan Respublikasynyň Döwlet geňeşçisi Mintimer Şaýmiýew, Türki medeniýetiň halkara guramasynyň Baş sekretary Sultan Raýew, Yslam Hyzmatdaşlyk Guramasynyň Baş sekretary Hisseýn Brahim Taha Türkmenistanyň döwlet Baştutanyny Gurban baýramy bilen gutladylar.

Türkmenistanyň Prezidenti Serdar Berdimuhamedowyň adyna gelen gutlag hatlarynda türkmen Liderine berk jan saglyk, maşgala abadançylygyny hem-de jogapkärli döwlet işinde uly üstünlikleri, Türkmenistanyň doganlyk halkyna bolsa parahatçylyk, abadançylyk hem-de durnukly ösüş arzuw edilýär.
Türkmenistanyň paýtagty Aşgabat şäherinde hem-de ýurduň ähli welaýatlarynda 2025-nji ýylyň 6-7-8-nji iýunda Gurban baýramy giňden bellenilýär.