2025-nji ýylyň 1-nji iýunynda Russiýa Federasiýasyndaky Türkmenistanyň Ilçihanasy Moskwa derýasynyň kenarlarynda Kreml diwarynyň ugry boýunça köpçülikleýin welosiped ýörişlerini geçirdiler.

Ilçihananyň işgärlerinden başga-da, Russiýa Federasiýasynyň ýokary okuw mekdeplerinde okaýan Türkmenistandan we GDA ýurtlaryndan gelen talyplar welosiped ýörişine işjeň gatnaşdylar.

Bu çäre, 2018-nji ýylyň aprelinde BMG-niň Baş Assambleýasynyň 72-nji mejlisinde Türkmenistanyň başlangyjy bilen yglan edilen Bütindünýä welosiped gününe bagyşlandy.

Mundan başga-da, welosiped ýörişi Kiýewde, Truhanow adasynyň çäginde, "Daşary ýurt wekilhanalaryna hyzmat etmek boýunça baş müdirligi" döwlet kärhanasynyň goldawy bilen geçirildi. Çäräniň maksady, beden saglygyny we işjeň durmuş ýörelgesiniň ähmiýetine köpçüligiň ünsüni çekmek boldy.

Mundan başga-da, Birleşen Arap Emirliklerindäki Türkmenistanyň Baş konsullygy Dubaý şäherinde welosiped ýörişini gurady.

Köpçülikleýin ýaryşlara ýurduň diplomatik wekilhanalarynyň işgärleri we maşgalalarynyň agzalary, türkmen diasporasynyň wekilleri we talyp ýaşlary gatnaşdy.