Russiýanyň daşary işler ministri Sergeý Lawrow 2025-nji ýylyň 24-nji iýunynda resmi sapar bilen Aşgabada geldi. Bu barada Russiýanyň Daşary işler minstrligi habar berdi.

Habarda bellenilişi ýaly, saparyň çäginde Türkmenistanyň Prezidenti Serdar Berdimuhamedow we Ministrler Kabinetiniň Başlygynyň orunbasary, daşary işler ministri Raşid Meredow bilen gepleşikleriň geçirilmegi meýilleşdirilýär. Taraplar ikitaraplaýyn hyzmatdaşlygyň giň ugurlaryny, sebit gün tertibini we häzirki döwrüň halkara meselelerini ara alyp maslahatlaşmagy meýilleşdirýärler.

Türkmenistanyň daşary işler ministri Raşid Meredow bilen Russiýanyň daşary işler ministri Sergeý Lawrow Aşgabat şäheriniň Halkara howa menzilinde, 2025-nji ýylyň 24-nji iýuny, Aşgabat, Türkmenistan (Surat: Russiýanyň DIM-i)

Saparyň dowamynda iki ýurduň daşary işler ministrleri 2025–2026-njy ýyllar üçin hyzmatdaşlyk maksatnamasyna gol çekerler.

Şu ýyl Russiýa bilen Türkmenistan Garaşsyz Döwletleriň Arkalaşygyna (GDA) bilelikde başlyklyk edýär, indiki ýyl bolsa Aşgabat bu guramada başlyklygy öz üstüne alar.