Hytaýyň Çžeszýan welaýatynyň Szinhua şäherinden ugran ilkinji ýük otlusy çarşenbe güni Türkmenistanyň Türkmenbaşy portuna tarap ýola düşdi. Bu waka Transhazar halkara ulag geçelgesiniň täze böleginiň resmi taýdan açylandygyny alamatlandyrýar.

“Sinhua” agentliginiň habar bermegine görä, bu ugur Hytaý harytlaryny Merkezi Aziýa ýurtlaryna we Ýewropa eltmek ulgamynda möhüm baglanyşyk bolup hyzmat eder.

Egin-eşik, aksesuarlar, metal bölekleri we beýleki önümleri öz içine alýan 100 sany standart konteýnerden ybarat bolan otly Gazagystan bilen serhetleşýän Horgos geçelgesinden geçer. Soňra ol Almaty, Daşkent we Aşgabat şäherleriniň üsti bilen Türkmenistanyň çäginde ýoluny dowam etdirer. Türkmenbaşy şäherinden harytlar Hazar deňzi arkaly Azerbaýjanyň Baku portuna daşalar.

Bu ugur Gazagystanyň Aktau portunyň üsti bilen bar bolan ugry ýeňilleşdirmäge we Hytaýyň harytlarynyň Merkezi Aziýa hem-de Merkezi we Gündogar Ýewropa iberilmegini tizleşdirmäge gönükdirilendir.

Bu “Hytaý–Ýewropa” başlangyjynyň çäginde Çžeszýan welaýatyndan çäginde işe girizilen halkara demir ýol ugurlarynyň 26-njysy bolup durýar.