Türkmenistan energiýa serişdeleriniň eksportyny diwersifikasiýalaşdyrmak boýunça tagallalarynyň çäklerinde Eýranyň çäginden tebigy gazyň üstaşyr geçirilişini artdyrmak boýunça mümkinçilikleri öwrenýär. Bu barada Türkmenistanyň daşary işler ministri Raşid Meredow Tähran şäherinde geçirilen Ykdysady hyzmatdaşlyk boýunça hökümetara türkmen-eýran toparynyň 18-nji mejlisinde mälim etdi.

Türkmenistanyň resmi metbugatynyň habar bermegine görä, R.Meredow şeýle hem nebithimiýa taslamalaryna eýran maýa goýumlaryny çäkmäge Türkmenistanyň gyzyklanmalaryny beýan edip, şeýle hyzmatdaşlygyň ýurduň gaz gorlaryndan peýdalanmagyň netijeliligini ýokarlandyrmaga ýardam etjekdigini belledi. 

Mejlisiň çäklerinde R.Meredow birnäçe ikitaraplaýyn duşuşyklary geçirdi. Olaryň dowamynda taraplar söwda, energetika we ulag ulgamlarynda hyzmatdaşlygy berkitmäge gönükdirilen meseleleriň giň toplumyny ara alyp maslahatlaşdylar. 

Türkmenistanyň daşary işler ministri Raşid Meredow şeýle hem Eýranyň paýtagtynda 18-19-njy maýda geçirilen “Tähran dialog forumy – 2025” forumyna hem gatnaşdy.