Türkmenistanyň Prezidenti Serdar Berdimuhamedow Türkmenistanyň Konstitusiýasynyň we Döwlet baýdagynyň gününiň baýramyna düşýän dynç gününi geçirmek hakynda Permana gel çekdi. Oňa laýyklykda, 2025-nji ýylyň 18-nji maýyna düşýän dynç güni 19-njy maýa geçirilýär diýip, Türkmenistanyň resmi metbugaty penşenbe güni habar berdi.

Bu resminama ýurduň ilatynyň döwlet baýramlaryny dabaraly belläp geçmegi we oňat dynç almagy üçin oňaýly şertleri döretmek maksady bilen, şeýle hem Türkmenistanyň Zähmet kodeksiniň 81-nji maddasynyň 2-nji bölegine laýyklykda kabul edildi.

Şu Permanyň ýerine ýetirilmegini eýeçiliginiň görnüşine garamazdan, ähli edaralara, kärhanalara we guramalara üpjün etmek tabşyryldy.

1992-nji ýylyň 18-nji maýynda kabul edilen Türkmenistanyň Konstitusiýasy we şol ýylyň 19-njy fewralynda tassyklanylan Döwlet baýdagy 1991-nji ýylda Garaşsyzlygyny yglan eden Türkmenistanyň esasy döwlet nyşanlaryna öwrüldi.