Habarlar / Habarlar
Türkmenistan we Fransiýa hökümetara ylalaşyklaryň toplumyna gol çekdiler

Türkmenistan we Fransiýa dürli ulgamlarda ikitaraplaýyn hyzmatdaşlygy giňeltmäge gönükdirilen birnäçe möhüm hökümetara ylalaşyklaryna gol çekdiler. Gol çekmek dabarasy türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Pariž şäherine amala aşyran saparynyň çäklerinde geçirildi diýip, Türkmenistanyň resmi metbugaty habar berýär. 

Taraplar durnukly şäher ösüşi babatda hyzmatdaşlyk etmek hakynda Jarnama,  bilim we ýokary okuw mekdepleri ulgamlarynda hyzmatdaşlyk etmek boýunça 2025-2026-njy ýyllar üçin “Ýol kartasyna” hem-de Türkmenistanyň Medeniýet ministrligi bilen Fransiýanyň Tebigy taryhynyň milli muzeýiniň arasynda arheologik ylmy-barlag işleri babatda hyzmatdaşlyk etmek hakynda Ylalaşyga gol çekdiler. 

Şeýle hem milli telekommunikasiýa hemrasyny üpjün etmek hakynda Çarçuwaly ylalaşyga hem-de “Türkmengaz” döwlet konserni bilen “Kayrros SAS” fransuz kompaniýasynyň arasynda özara düşünişmek hakynda Ähtnama gol çekildi. 

Pariž şäherinde geçirilen Türkmen-fransuz ykdysady forumynyň çäklerinde hem birnäçe ikitaraplaýyn resminamalar baglaşyldy. Şolaryň hatarynda «Türkmenaragatnaşyk» agentligi bilen «Airbus Defence and Space SAS» kompaniýasynyň arasynda özara düşünişmek hakynda Ähtnama; Türkmenistanyň Oba hojalyk ministrligi bilen «IGN FI» kompaniýasynyň (Fransiýa) arasynda ýer kadastry we oba hojalyk ekinlerine uzak aralykdan gözegçilik etmek boýunça hyzmatdaşlyk etmek barada özara düşünişmek hakynda Ähtnama; Türkmenistanyň Suw hojalygy baradaky döwlet komiteti bilen «SUEZ International» kompaniýasynyň arasynda suw hojalyk ulgamyndaky hyzmatdaşlyk barada özara düşünişmek hakynda Ähtnama; «Türkmengaz» döwlet konserni bilen «SUEZ International» kompaniýasynyň arasynda Türkmenistanyň gaz senagatynda hyzmatdaşlyk etmek barada özara düşünişmek hakynda Ähtnama bar.

Forumyň dowamynda türkmen tarapy maýa goýmak we geljekki hyzmatdaşlyk üçin fransuz işewürlerine amatly şertleri hödürlemäge taýýardygyny beýan etdi.

Iýun aýynda Türkmenistanda halkara dokma sergisi geçiriler...
Iýun aýynda Türkmenistanda halkara dokma sergisi geçiriler
Ankarada Halkara parahatçylyk we ynanyşmak ýyly mynasybetli medeni çäre geçirildi
Türkmenistan bilen BMG-niň arasynda durnukly ösüş ugrunda 2021–2025-nji ýyllar üçin hyzmatdaşlygyň Çarçuwaly maksatnamasyny durmuşa geçirmek boýunça Ýolbaşçy komitetiň mejlisi geçirildi
BMG-niň Deňze çykalgasy bolmadyk ösüp barýan ýurtlar boýunça üçünji ...
BMG-niň Deňze çykalgasy bolmadyk ösüp barýan ýurtlar boýunça üçünji maslahatyna (LLDC 3) taýýarlyk ara alnyp maslahatlaşyldy
ITFC we Türkmenistan söwda maliýeleşdirişinde hyzmatdaşlygy ösdürmegi ma...
ITFC we Türkmenistan söwda maliýeleşdirişinde hyzmatdaşlygy ösdürmegi maslahatlaşdylar
Türkmenistan döwlet eýeçiligindäki 28 desgany satlyga çykardy...
Türkmenistan döwlet eýeçiligindäki 28 desgany satlyga çykardy
2025: Türkmenistandan 3 müňe golaý zyýaratçy haj saparyna ugradylýar...
2025: Türkmenistandan 3 müňe golaý zyýaratçy haj saparyna ugradylýar
Türkmen we belarus telekeçileri Aşgabatda özara gepleşikleri geçirdiler...
Türkmen we belarus telekeçileri Aşgabatda özara gepleşikleri geçirdiler
Türkmenistan we Ýaponiýa Aşgabatda seýsmiki gözegçilik ulgamyny döwrebap...
Türkmenistan we Ýaponiýa Aşgabatda seýsmiki gözegçilik ulgamyny döwrebaplaşdyrmagy tamamladylar
Eýranyň Türkmenistandan importy 22,9% artdy
Eýranyň Türkmenistandan importy 22,9% artdy