Habarlar / Habarlar
Türkmenistan fransuz işewürlerine maýa goýmaga amatly şertleri teklip etmäge taýýar

Türkmenistan maýa goýmak we özara bähbitli hyzmatdaşlygy mundan beýläk-de ösdürmek üçin fransuz işewürlerine ähli amatly şertleri teklip etmäge taýýar. Bu barada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow duşenbe güni Pariž şäherinde geçirilen Türkmen-fransuz ykdysady forumynda mälim etdi diýip, Türkmenistanyň resmi metbugaty habar berýär. 

Türkmen halkynyň Milli Lideri Halkara pul gaznasynyň seljermelerine salgylanmak bilen, Türkmenistanyň ykdysady taýdan ösýän ýurtlaryň hataryna girýändigini, ýurtda halkara ülňülere laýyk gelýän, maýa goýumlaryň goraglylygyny üpjün edýän, döwrebap kanunçylyk-hukuk binýadynyň döredilendigini belledi. 

Nebitgaz, himiýa senagaty, ulag, derman senagaty we hemra aragatnaşygynyň tehnologiýalary ýaly ugurlarda fransuz harytlaryny hem-de hyzmatlaryny Türkmenistanda ilerletmek fransiýaly telekeçiler bilen hyzmatdaşlygy giňeltmek boýunça öňe sürlen teklipleriň hatarynda boldy. Geologik barlag, metan zyňyndylaryny azaltmak, şäher gurşawyny ösdürmek we “ýaşyl” hem-de wodorod energetikasy ulgamlaryna öňdebaryjy fransuz tehnologiýalaryny çekmek ikinji möhüm ugur hökmünde görkezildi. 

Üçünji möhüm ugur türkmen bazaryndaky taslamalara Fransiýanyň kiçi we orta işewürleriniň gatnaşmagy bilen bagly boldy. Dördünji ugur hökmünde syýahatçylyk ulgamyndaky hyzmatdaşlyk görkezildi. Bellenilip geçilen ugurlarda ýokary derejeli hünärmenleri taýýarlamak ileri tutulýan bäşinji ugur hökmünde beýan edildi. 

Gurbanguly Berdimuhamedow şeýle hem 2025-nji ýylda Ykdysady hyzmatdaşlyk boýunça hökümetara türkmen-fransuz toparynyň nobatdaky mejlisini, şeýle hem Energetika meseleleri boýunça türkmen-fransuz iş toparynyň mejlisini geçirmegi teklip etdi. Şeýle hem 2024-nji ýylda Pariž şäherinde geçirilen energetika forumy ýaly halkara möçberindäki çäreleri gurmagy dowam etmäge gyzyklanmalar beýan edildi. 

Türkmenistan şeýle hem ýurduň çäginden tapylan, bürünç asyryna degişli taryhy tapyndylaryň sergisini 2027 – 2028-nji ýyllarda Pariž şäherinde guramagy teklip etdi. 

Iýun aýynda Türkmenistanda halkara dokma sergisi geçiriler...
Iýun aýynda Türkmenistanda halkara dokma sergisi geçiriler
Ankarada Halkara parahatçylyk we ynanyşmak ýyly mynasybetli medeni çäre geçirildi
Türkmenistan bilen BMG-niň arasynda durnukly ösüş ugrunda 2021–2025-nji ýyllar üçin hyzmatdaşlygyň Çarçuwaly maksatnamasyny durmuşa geçirmek boýunça Ýolbaşçy komitetiň mejlisi geçirildi
BMG-niň Deňze çykalgasy bolmadyk ösüp barýan ýurtlar boýunça üçünji ...
BMG-niň Deňze çykalgasy bolmadyk ösüp barýan ýurtlar boýunça üçünji maslahatyna (LLDC 3) taýýarlyk ara alnyp maslahatlaşyldy
ITFC we Türkmenistan söwda maliýeleşdirişinde hyzmatdaşlygy ösdürmegi ma...
ITFC we Türkmenistan söwda maliýeleşdirişinde hyzmatdaşlygy ösdürmegi maslahatlaşdylar
Türkmenistan döwlet eýeçiligindäki 28 desgany satlyga çykardy...
Türkmenistan döwlet eýeçiligindäki 28 desgany satlyga çykardy
2025: Türkmenistandan 3 müňe golaý zyýaratçy haj saparyna ugradylýar...
2025: Türkmenistandan 3 müňe golaý zyýaratçy haj saparyna ugradylýar
Türkmen we belarus telekeçileri Aşgabatda özara gepleşikleri geçirdiler...
Türkmen we belarus telekeçileri Aşgabatda özara gepleşikleri geçirdiler
Türkmenistan we Ýaponiýa Aşgabatda seýsmiki gözegçilik ulgamyny döwrebap...
Türkmenistan we Ýaponiýa Aşgabatda seýsmiki gözegçilik ulgamyny döwrebaplaşdyrmagy tamamladylar
Eýranyň Türkmenistandan importy 22,9% artdy
Eýranyň Türkmenistandan importy 22,9% artdy