Domodedowo howa menziliniň metbugat gullugynyň habaryna görä, «Türkmenistan» awiakompaniýasy Aşgabat — Moskwa — Aşgabat ugry boýunça 2-nji maýdan yzygiderli gatnawlary dowam etdirer. Uçuşlar hepdede iki gezek, ýagny duşenbe we anna günleri «Boeing 737-800» uçarynda amala aşyrylar.

«Türkmenistan» awiakompaniýasy resmi web sahypasynda çap edilen tertibe görä, awiakompaniýa Aşgabat — Kazan — Aşgabat ugrunda hepdede iki gezek — çarşenbe we ýekşenbe günlerinde uçuşlary amala aşyrmagy meýilleşdirýär. Kazana ilkinji uçuş 4-nji maýda meýilleşdirilýär.