Habarlar / Habarlar
ÝTÖB Türkmenistanda 80-den gowrak taslamany durmuşa geçirdi

Ýewropanyň Täzeleniş we ösüş banky (ÝTÖB) Türkmenistanda 80-den gowrak taslama durmuşa geçirdi. Olaryň aglabasy eksport edijileri goldamaga gönükdirilendir diýip, bankyň Türkmenistandaky wekilhanasynyň başlygy Erik Liwni sişenbe güni Aşgabatda açylan “Türkmenistanda halkara ülňülere laýyk gelýän hil üpjünçiligi” atly halkara maslahatdaky çykyşynda mälim etdi.

Erik Liwniniň bellemegine görä, bank ýerli işewürlere konsultatiw goldawlary işjeň hödürleýär. Soňky ýyllarda hususy kärhanalaryň işine halkara standartlary ornaşdyrmaga gönükdirilen 42 taslama durmuşa geçirildi. Bu barada Türkmenistanyň resmi metbugaty habar berýär.

“Halkara standartlary girizmek örän möhüm ähmiýete eýedir. Sebäbi ol kärhanalara özleri üçin nätanyş bolan bazarlara çykmaga mümkinçilikleri açýar” diýip, Erik Liwni aýtdy. Pomidorlary ösdürip ýetişdirýän ýyladyşhana toplumlarynyň soňky ýyllarda eksport işinde gazanan oňyn ösüşi muňa mysal hökmünde görkezildi.

ÝTÖB-iň wekilhanasynyň ýolbaşçysy işewürligi alyp barmakda Türkmenistanyň özüneçekiji ýurtdugyny belledi. Şunda salgytlaryň pes derejede bolmagy we bäsdeşlige ukyply düzüme goýberilýän çykdajylar barada aýratyn durlup geçildi.

Ýewropanyň Täzeleniş we ösüş banky 1991-nji ýylda 40 ýurduň we iki halkara guramanyň gatnaşmagynda döredildi. Häzirki wagtda bank 34 ýurtda iş alyp barýar. Onuň Türkmenistandaky işleri 1992-nji ýylda badalga aldy. Bankyň wezipeleri maliýe durnuklylygyna ýardam bermekden, hususy telekeçiligi ösdürmekden, işewürlik gatnaşyklary berkitmäge itergi berýän institutlary döretmekden ybaratdyr.

Türkmenistanyň Prezidenti Pakistan Yslam Respublikasynyň Senatynyň Başlygyn...
Türkmenistanyň Prezidenti Pakistan Yslam Respublikasynyň Senatynyň Başlygyny kabul etdi
Baku şäherinde “Oguz türkmenleriniň geçmişi, şu güni we geljegi” atl...
Baku şäherinde “Oguz türkmenleriniň geçmişi, şu güni we geljegi” atly halkara ylmy simpozium geçirildi
Magtymguly adyndaky Türkmen döwlet uniwersitetinde “Durnukly ösüş maksatl...
Magtymguly adyndaky Türkmen döwlet uniwersitetinde “Durnukly ösüş maksatlary” boýunça halkara maslahaty geçirildi
“EKSPO-2025” Bütindünýä sergisindäki Türkmenistanyň milli pawilýonyn...
“EKSPO-2025” Bütindünýä sergisindäki Türkmenistanyň milli pawilýonynda “Halkara parahatçylyk we ynanyşmak ýyly” mynasybetli dabaraly maslahat geçirildi
Astrahan şäherinde «Suw ulagy ugrunda döreýän döwrebap meseleleriň çöz...
Astrahan şäherinde «Suw ulagy ugrunda döreýän döwrebap meseleleriň çözgüdi» atly halkara ylmy-amaly maslahat geçirildi
Almaty Tehnologiýa uniwersitetinde (ATU) Türkmenistanyň hemişelik Bitaraplyg...
Almaty Tehnologiýa uniwersitetinde (ATU) Türkmenistanyň hemişelik Bitaraplygynyň 30 ýyllygyna bagyşlanan çäre geçirildi
"Dutaryň owazy", "Ýeňiş goşgulary" halkara taslamasyna goşuldy...
"Dutaryň owazy", "Ýeňiş goşgulary" halkara taslamasyna goşuldy
Italiýanyň Premýer-ministri öz ýurduna Türkmenistanyň Prezidentini resmi ...
Italiýanyň Premýer-ministri öz ýurduna Türkmenistanyň Prezidentini resmi sapara çagyrdy
TULM “SKYTAXI-niň” Daşoguz Halkara howa menzilinde tehniki gonuşyna ýard...
TULM “SKYTAXI-niň” Daşoguz Halkara howa menzilinde tehniki gonuşyna ýardam etdi
Türkmenistan wodorod energetikasy ulgamynda Italiýa bilen hyzmatdaşlyga taýýar