Habarlar / Habarlar
Türkmenistanyň Prezidenti Monako Knýazlygynyň Şazadasynyň geňeşçisini kabul etdi

2025-nji ýylyň 27-nji aprelinde Türkmen bedewiniň milli baýramy mynasybetli baýramçylyk at çapyşygynyň geçirilýän pursatlarynda  Prezident Serdar Berdimuhamedow Monako Knýazlygynyň Şazadasynyň geňeşçisi, Parahatçylyk we sport guramasynyň prezidenti we esaslandyryjysy Žoel Buzuny kabul etdi.Myhman türkmen topragynda bildirilen myhmansöýerlik we duşuşmaga döredilen mümkinçilik üçin Prezident Serdar Berdimuhamedowa hoşallyk bildirdi. Şeýle hem ol döwlet Baştutanymyzy we Türkmenistanyň Halk Maslahatynyň Başlygy Gurbanguly Berdimuhamedowy, ähli türkmen halkyny Türkmen bedewiniň milli baýramy mynasybetli gutlady.Žoel Buzu şu ajaýyp mümkinçilikden peýdalanyp, hormatly Prezidentimize Monako Knýazlygynyň Şazadasy Alber II-niň hem-de Şagyzy Stefaniýanyň iberen mähirli salamyny we hoşniýetli arzuwlaryny ýetirdi.Prezident Serdar Berdimuhamedow gutlaglar we hoşniýetli sözler üçin minnetdarlyk bildirip, öz gezeginde, Monako Knýazlygynyň Şazadasy Alber II-ä we Şagyzy Stefaniýa mähirli salamyny, olara berk jan saglyk, abadançylyk baradaky iň gowy arzuwlaryny ýetirmegini Žoel Buzudan haýyş etdi.Döwlet Baştutanymyz ýurdumyzda Türkmen bedewiniň milli baýramynyň giňden bellenilýän günlerinde Monako Knýazlygynyň Şazadasynyň geňeşçisini kabul edýändigine şatdygyny aýtdy. Ahalteke bedewleri dünýä medeniýetiniň aýrylmaz bölegidir.“Galkynyş” milli at üstündäki oýunlar topary şu ýylyň ýanwarynda Monakonyň Monte-Karlo şäherinde geçirilen 47-nji halkara sirk sungaty festiwalynda uly üstünlik gazandy. Bu baradaky gürrüňi dowam edip, Prezident Serdar Berdimuhamedow Türkmenistan bilen Monako Knýazlygynyň arasynda ikitaraplaýyn gatnaşyklaryň deňhukuklylyk we birek-birege hormat goýmak ýörelgeleri esasynda alnyp barylýandygyny belledi.Duşuşygyň ddowamynda Žoel Buzu Türkmenistan bilen sport ulgamyndaky hyzmatdaşlygy işjeňleşdirmäge taýýardygyny aýdyp, ýakynda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidentiniň Monako Knýazlygyna amala aşyran saparynyň ähmiýetine ünsi çekdi. Myhman bu saparyň örän netijeli geçendigini belledi.Şunuň bilen baglylykda, saparyň çäklerinde geçirilen gepleşikleriň netijeleriniň ikitaraplaýyn gatnaşyklary täze mazmun bilen baýlaşdyrmaga ýardam etjekdigine ynam bildirildi.Monako Knýazlygynyň Şazadasynyň geňeşçisi, Parahatçylyk we sport guramasynyň prezidenti we esaslandyryjysy Žoel Buzu dünýäde ygtybarly hyzmatdaş hökmünde ykrar edilen Türkmenistan bilen özara gatnaşyklary, hususan-da, sport ulgamy boýunça hyzmatdaşlygy ýola goýmagyň özleri üçin uly hormatdygyny aýratyn nygtady.Myhman tüýs ýürekden hoşallyk bildirip, öz ýurdunyň ýolbaşçylaryna Prezident Serdar Berdimuhamedowyň aýdan salamyny we hoşniýetli arzuwlaryny ýetirjekdigine ynandyrdy.

Türkmenistanyň Prezidenti Pakistan Yslam Respublikasynyň Senatynyň Başlygyn...
Türkmenistanyň Prezidenti Pakistan Yslam Respublikasynyň Senatynyň Başlygyny kabul etdi
Baku şäherinde “Oguz türkmenleriniň geçmişi, şu güni we geljegi” atl...
Baku şäherinde “Oguz türkmenleriniň geçmişi, şu güni we geljegi” atly halkara ylmy simpozium geçirildi
Magtymguly adyndaky Türkmen döwlet uniwersitetinde “Durnukly ösüş maksatl...
Magtymguly adyndaky Türkmen döwlet uniwersitetinde “Durnukly ösüş maksatlary” boýunça halkara maslahaty geçirildi
“EKSPO-2025” Bütindünýä sergisindäki Türkmenistanyň milli pawilýonyn...
“EKSPO-2025” Bütindünýä sergisindäki Türkmenistanyň milli pawilýonynda “Halkara parahatçylyk we ynanyşmak ýyly” mynasybetli dabaraly maslahat geçirildi
Astrahan şäherinde «Suw ulagy ugrunda döreýän döwrebap meseleleriň çöz...
Astrahan şäherinde «Suw ulagy ugrunda döreýän döwrebap meseleleriň çözgüdi» atly halkara ylmy-amaly maslahat geçirildi
Almaty Tehnologiýa uniwersitetinde (ATU) Türkmenistanyň hemişelik Bitaraplyg...
Almaty Tehnologiýa uniwersitetinde (ATU) Türkmenistanyň hemişelik Bitaraplygynyň 30 ýyllygyna bagyşlanan çäre geçirildi
"Dutaryň owazy", "Ýeňiş goşgulary" halkara taslamasyna goşuldy...
"Dutaryň owazy", "Ýeňiş goşgulary" halkara taslamasyna goşuldy
Italiýanyň Premýer-ministri öz ýurduna Türkmenistanyň Prezidentini resmi ...
Italiýanyň Premýer-ministri öz ýurduna Türkmenistanyň Prezidentini resmi sapara çagyrdy
TULM “SKYTAXI-niň” Daşoguz Halkara howa menzilinde tehniki gonuşyna ýard...
TULM “SKYTAXI-niň” Daşoguz Halkara howa menzilinde tehniki gonuşyna ýardam etdi
Türkmenistan wodorod energetikasy ulgamynda Italiýa bilen hyzmatdaşlyga taýýar