Habarlar / Habarlar
Türkmenistanyň Prezidenti Serdar Berdimuhamedowyň «EKSPO — 2025» Bütindünýä sergisinde Türkmenistanyň Milli gününiň açylyş dabarasyndaky çykyşy

Hormatly dabara gatnaşyjylar!

Hanymlar we jenaplar!

Ilki bilen, siziň ähliňizi “EKSPO — 2025” Bütindünýä sergisinde Türkmenistanyň Milli gününiň açylmagy bilen tüýs ýürekden gutlaýaryn. Sergä gatnaşyjylara uly üstünlikleri arzuw edýärin. Döredilen ajaýyp şertler üçin guramaçylara çuňňur minnetdarlygymy bildirýärin.

Hormatly dabara gatnaşyjylar!

“EKSPO — 2025” Bütindünýä sergisi döwletleriň, halkara guramalaryň, ykdysady we maliýe institutlarynyň, işewürleriň arasynda hyzmatdaşlygy pugtalandyrmaga ýardam edýär. Şeýle hem ykdysady, maýa goýum gatnaşyklary üçin netijeli ugurlary, öňdebaryjy ideýalary, tehnologik çözgütleri öňe sürýär.

Häzirki Bütindünýä sergisiniň Türkmenistan üçin aýratyn ähmiýeti bardyr. Bu sergi Birleşen Milletler Guramasynyň Baş Assambleýasynyň 2025-nji ýyly «Halkara parahatçylyk we ynanyşmak ýyly» diýip yglan etmegi bilen gabat gelýär. Parahatçylyk, ynanyşmak, deňhukuklylyk bütindünýä ykdysady gatnaşyklarynyň esasyny düzmelidir. Türkmenistanyň Milli gününi açmak bilen, ýurdumyzyň dünýä döwletleri bilen hyzmatdaşlyga, dürli ugurlarda bilelikdäki başlangyçlary durmuşa geçirmäge taýýardygyny bellemek isleýärin.

Dünýäniň energetika taýdan öňdebaryjy döwletleriniň biri hökmünde Türkmenistan energiýa serişdelerini halkara bazarlara ibermek üçin iri taslamalary öňe sürýär. Hyzmatdaşlar bilen bilelikde möhüm ähmiýetli taslamalary amala aşyrmaga gatnaşýar. Türkmenistanyň sergisine gelýänler ýurdumyzyň senagaty, oba hojalygy, dokma, himiýa senagaty, syýahatçylyk pudaklarynda we beýleki ugurlarda ýeten sepgitleri bilen tanşyp bilerler. Bu üstünlikleriň ählisi dürli pudaklarda milli ykdysadyýetimizi döwrebaplaşdyrmaga gönükdirilen düýpli özgertmeleriň netijeleridir.

Oýlanyşykly alnyp barylýan daşary ykdysady syýasat döwletimiziň üstünlikli we durnukly ösüşiniň möhüm bölegi bolup durýar. Türkmenistan daşary ykdysady gatnaşyklaryny yzygiderli ösdürýär. Ýurdumyz halkara söwda, maýa goýum we tehnologik işlere gatnaşýar. Osakada geçirilýän şu günki dabara hem Ýaponiýa bilen netijeli hem-de dostlukly hyzmatdaşlygy ýola goýandygymyzy görkezýär.

Biziň ýurdumyz Ýaponiýa uzak möhletli, ygtybarly we durnukly hyzmatdaş hökmünde garaýar. Ýaponiýanyň köp sanly işewür toparlary Türkmenistanyň ýangyç-energetika, gurluşyk, ulag pudaklarynda iri maýa goýum taslamalaryny durmuşa geçirmäge işjeň gatnaşýarlar. Bu işleri amala aşyrmakda uly tagallalary edýändikleri üçin Ýaponiýanyň Hökümetine we işewürlerine minnetdarlyk bildirýäris. Biz bu hyzmatdaşlygy mundan beýläk-de berkideris.

Hormatly dabara gatnaşyjylar!

Ýaponiýada Türkmenistanyň milli sergisini görkezmek biziň üçin uly hormatdyr. Şu günki dabaranyň Bütindünýä sergisiniň açylyşynyň ilkinji günlerinde geçirilýändigini aýratyn bellemek isleýärin. Türkmenistanyň milli sergisiniň işewür gatnaşyklary ýola goýjakdygyna, hyzmatdaşlyk üçin täze mümkinçilikleri açjakdygyna berk ynanýaryn. Siziň ähliňizi «EKSPO — 2025» Bütindünýä sergisinde Türkmenistanyň Milli gününiň açylmagy bilen ýene-de bir gezek tüýs ýürekden gutlaýaryn.

(Osaka şäheri, 2025-nji ýylyň 14-nji apreli)

Iýun aýynda Türkmenistanda halkara dokma sergisi geçiriler...
Iýun aýynda Türkmenistanda halkara dokma sergisi geçiriler
Ankarada Halkara parahatçylyk we ynanyşmak ýyly mynasybetli medeni çäre geçirildi
Türkmenistan bilen BMG-niň arasynda durnukly ösüş ugrunda 2021–2025-nji ýyllar üçin hyzmatdaşlygyň Çarçuwaly maksatnamasyny durmuşa geçirmek boýunça Ýolbaşçy komitetiň mejlisi geçirildi
BMG-niň Deňze çykalgasy bolmadyk ösüp barýan ýurtlar boýunça üçünji ...
BMG-niň Deňze çykalgasy bolmadyk ösüp barýan ýurtlar boýunça üçünji maslahatyna (LLDC 3) taýýarlyk ara alnyp maslahatlaşyldy
ITFC we Türkmenistan söwda maliýeleşdirişinde hyzmatdaşlygy ösdürmegi ma...
ITFC we Türkmenistan söwda maliýeleşdirişinde hyzmatdaşlygy ösdürmegi maslahatlaşdylar
Türkmenistan döwlet eýeçiligindäki 28 desgany satlyga çykardy...
Türkmenistan döwlet eýeçiligindäki 28 desgany satlyga çykardy
2025: Türkmenistandan 3 müňe golaý zyýaratçy haj saparyna ugradylýar...
2025: Türkmenistandan 3 müňe golaý zyýaratçy haj saparyna ugradylýar
Türkmen we belarus telekeçileri Aşgabatda özara gepleşikleri geçirdiler...
Türkmen we belarus telekeçileri Aşgabatda özara gepleşikleri geçirdiler
Türkmenistan we Ýaponiýa Aşgabatda seýsmiki gözegçilik ulgamyny döwrebap...
Türkmenistan we Ýaponiýa Aşgabatda seýsmiki gözegçilik ulgamyny döwrebaplaşdyrmagy tamamladylar
Eýranyň Türkmenistandan importy 22,9% artdy
Eýranyň Türkmenistandan importy 22,9% artdy