Habarlar / Habarlar
Dördünji Antalýa diplomatiýa forumynyň barşynda Türkmenistanyň hemişelik Bitaraplygynyň ähmiýeti ara alnyp maslahatlaşyldy

2025-nji ýylyň 11-nji aprelinde Türkmenistanyň Ministrler Kabinetiniň Başlygynyň Orunbasary H.Geldimyradowyň ýolbaşçylygyndaky Türkmenistanyň wekiliýeti dördünji Antalýa diplomatiýa forumynyň (ADF 2025) işine gatnaşdy. Ýokary derejeli çäre Antalýa şäheriniň (Türkiýe Respublikasy) “Nest” kongresler merkezinde geçirildi. Forumyň şygary –“Böleklere bölünen dünýä diplomatiýanyň dolanmagy”.

Forumyň çäklerinde oňa gatnaşyjylara halkara hyzmatdaşlygynyň derwaýys meseleleri barada pikir alyşmaga mümkinçilik döreden birnäçe mowzuklaýyn bölümler guraldy.

H.Geldimyradow “Hyzmatdaşlyk, sanlylaşdyrma we ösüş” bölüminde eden çykyşynda Türkmenistanyň oňyn bitaraplyk ýörelgelerine esaslanýan we halkara jemgyýetçiliginiň giň goldawyna eýe bolan daşary syýasat ugruny yzygiderli durmuşa geçirmek bilen, ähliumumy abadançylyga we Durnukly ösüş maksatlaryna ýetmegiň bähbidine konstruktiw halkara hyzmatdaşlygyny berkitmäge uly goşant goşýandygyny belledi.

Nygtalyşy ýaly, Türkmenistanyň başlangyjy bilen BMG-niň Baş Assambleýasy tarapyndan 2025-nji ýyl «Halkara parahatçylyk we ynanyşmak ýyly» diýlip yglan edildi. Munuň özi Türkmenistanyň ähliumumy parahatçylygy we durnukly ösüşi üpjün etmek ugrundaky işleriniň ykrar edilýändiginiň aýdyň beýany boldy.

Şeýle-de Türkmenistanyň wekiliýetiniň başlygy Türkmenistanyň Durnukly ulag arabaglanyşygynyň ählumumy atlasyny, Ählumumy energetika howpsuzlygy we durnukly ösüş boýunça hyzmatdaşlygyň bileleşigini döretmek we Çalşykly dolanyşykdaky ykdysadyýete geçmegiň ählumumy çarçuwaly maksatnamasyny döretmek baradaky başlangyçlarynyň ähmiýetine gatnaşyjylaryň ünsüni çekdi.

Diplomatik forumyň çäklerinde Türkmenistanyň Ministrler Kabinetiniň Başlygynyň Orunbasary H.Geldimyradow bilen Türkiýe Respublikasynyň Ýokary bilim geňeşiniň (ÝÖK) Başlygy Erol Özwaryň arasynda duşuşyk geçirildi.

Duşuşygyň arşynda taraplar ylym we ýokary bilim ulgamynda hyzmatdaşlygy ösdürmegiň mümkinçiliklerini, şol sanda Türkmenistanyň we Türkiýäniň bilim edaralarynda bilelikdäki çäreleri geçirmek bilen bagly meseleleri ara alyp maslahatlaşdylar.

Iýun aýynda Türkmenistanda halkara dokma sergisi geçiriler...
Iýun aýynda Türkmenistanda halkara dokma sergisi geçiriler
Ankarada Halkara parahatçylyk we ynanyşmak ýyly mynasybetli medeni çäre geçirildi
Türkmenistan bilen BMG-niň arasynda durnukly ösüş ugrunda 2021–2025-nji ýyllar üçin hyzmatdaşlygyň Çarçuwaly maksatnamasyny durmuşa geçirmek boýunça Ýolbaşçy komitetiň mejlisi geçirildi
BMG-niň Deňze çykalgasy bolmadyk ösüp barýan ýurtlar boýunça üçünji ...
BMG-niň Deňze çykalgasy bolmadyk ösüp barýan ýurtlar boýunça üçünji maslahatyna (LLDC 3) taýýarlyk ara alnyp maslahatlaşyldy
ITFC we Türkmenistan söwda maliýeleşdirişinde hyzmatdaşlygy ösdürmegi ma...
ITFC we Türkmenistan söwda maliýeleşdirişinde hyzmatdaşlygy ösdürmegi maslahatlaşdylar
Türkmenistan döwlet eýeçiligindäki 28 desgany satlyga çykardy...
Türkmenistan döwlet eýeçiligindäki 28 desgany satlyga çykardy
2025: Türkmenistandan 3 müňe golaý zyýaratçy haj saparyna ugradylýar...
2025: Türkmenistandan 3 müňe golaý zyýaratçy haj saparyna ugradylýar
Türkmen we belarus telekeçileri Aşgabatda özara gepleşikleri geçirdiler...
Türkmen we belarus telekeçileri Aşgabatda özara gepleşikleri geçirdiler
Türkmenistan we Ýaponiýa Aşgabatda seýsmiki gözegçilik ulgamyny döwrebap...
Türkmenistan we Ýaponiýa Aşgabatda seýsmiki gözegçilik ulgamyny döwrebaplaşdyrmagy tamamladylar
Eýranyň Türkmenistandan importy 22,9% artdy
Eýranyň Türkmenistandan importy 22,9% artdy