Habarlar / Habarlar
Türkmenistanyň Prezidentiniň Özbegistan Respublikasynyň Prezidenti bilen duşuşygy

Şu gün “Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan hormatly Prezidentimiz Serdar Berdimuhamedow Özbegistanyň Prezidenti Şawkat Mirziýoýew bilen duşuşdy.

Iki goňşy döwletiň Baştutanlary mähirli salamlaşyp, däp bolan dost-doganlyk gatnaşyklarynyň häzirki ýagdaýyny we möhüm meselelerini ara alyp maslahatlaşmaga dörän mümkinçilige kanagatlanma bildirdiler.

Hormatly Prezidentimiz taryhy Samarkant şäherinde Prezident Şawkat Mirziýoýew bilen duşuşýandygyna örän şatdygyny belläp, “Merkezi Aziýa — Ýewropa Bileleşigi» sammitine gatnaşmaga çakylyk üçin minnetdarlyk bildirdi we meýilleşdirilen ähli çäreleriň üstünlikli geçirilmegini arzuw etdi hem-de ýurdumyzyň wekiliýetiniň mähirli kabul edilendigi, görkezilen myhmansöýerlik üçin minnetdarlyk bildirdi.

Döwlet Baştutanymyzyň belleýşi ýaly, Özbegistan Respublikasy biziň hakyky dostumyz we ýakyn goňşymyz bolup durýar. Bu ýurt bilen dürli ulgamlarda netijeli hyzmatdaşlyk alnyp barylýar. Pursatdan peýdalanyp, hormatly Prezidentimiz özbek kärdeşine türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň mähirli salamyny we iň gowy arzuwlaryny ýetirdi.

Prezident Şawkat Mirziýoýew döwlet Baştutanymyza Samarkanda gelmäge hem-de “Merkezi Aziýa — Ýewropa Bileleşigi” görnüşindäki ýokary derejeli birinji duşuşyga gatnaşmaga çakylygy kabul edendigi üçin hoşallyk bildirip, Milli Liderimize mähirli salamyny, iň gowy arzuwlaryny beýan etdi hem-de şunda döwletara dialogyň netijeli häsiýete eýedigini belledi.

Duşuşygyň dowamynda söhbetdeşler häzirki wagtda ynanyşmagyň we özara goldawyň ýokary derejesi bilen tapawutlanýan türkmen-özbek gatnaşyklarynyň dürli ugurlarda, şol sanda oba hojalygynda, elektrik energetikasynda, nebitgaz toplumynda, himiýa senagatynda we beýleki pudaklarda okgunly ösdürilýändigini kanagatlanma bilen nygtadylar.

Ulag we energetika geçelgelerini döretmäge, sebitara gatnaşyklary pugtalandyrmaga, Merkezi Aziýada durnukly ösüşi üpjün etmäge degişli möhüm meseleleri çözmek babatda alnyp barylýan bilelikdäki işlere aýratyn üns berilýär. Şunuň bilen baglylykda, şu sammitiň Merkezi Aziýanyň we Ýewropa Bileleşiginiň arasynda has netijeli, özara bähbitli hyzmatdaşlygyň ýolunda möhüm ädim boljakdygyna ynam bildirildi. Şeýle hem soňky döwürde iki ýurduň işewür toparlarynyň arasyndaky gatnaşyklaryň işjeňleşendigi bellenildi.

Mümkinçilikden peýdalanyp, hormatly Prezidentimiz Serdar Berdimuhamedow döwletara dialogy ösdürmäge uly şahsy goşandy üçin Prezident Şawkat Mirziýoýewe minnetdarlyk bildirdi.

Duşuşygyň ahyrynda Türkmenistanyň we Özbegistan Respublikasynyň Baştutanlary däp bolan türkmen-özbek dostlukly gatnaşyklarynyň mundan beýläk-de pugtalandyryljakdygyna we giňeldiljekdigine ynam bildirip, birek-birege berk jan saglyk, döwlet işlerinde üstünlikleri, iki ýurduň doganlyk halklaryna bolsa abadançylyk, rowaçlyk arzuw etdiler.

YHG-nyň Daşary işler ministrleriniň geňeşiniň mejlisiniň çäklerinde Türkmenistanyň başlangyjy bilen biragyzdan karanama kabul edildi
Türkmen kärendeçileri Watan harmanyna 1 million tonnadan gowrak bugdaý tabş...
Türkmen kärendeçileri Watan harmanyna 1 million tonnadan gowrak bugdaý tabşyrdylar
Iýun II hepde: Eksport geleşikleri $33 milliona golaýlady...
Iýun II hepde: Eksport geleşikleri $33 milliona golaýlady
Raşid Meredow ABŞ-nyň Döwlet sekretarynyň orunbasary bilen telefon söhbetd...
Raşid Meredow ABŞ-nyň Döwlet sekretarynyň orunbasary bilen telefon söhbetdeşligini geçirdi
Türkmenistanyň Prezidenti Oleg Kononenkony doglan güni bilen gutlady...
Türkmenistanyň Prezidenti Oleg Kononenkony doglan güni bilen gutlady
Türkmenistan Atom energiýasy boýunça halkara agentligi bilen hyzmatdaşlygy ...
Türkmenistan Atom energiýasy boýunça halkara agentligi bilen hyzmatdaşlygy ösdürmegi meýilleşdirýär
Aşgabatda türkmen milli lybaslarynyň görkezilişi geçirildi...
Aşgabatda türkmen milli lybaslarynyň görkezilişi geçirildi
Szinhua şäherinden ilkinji ýük otlusy Türkmenistandan üstaşar geçer...
Szinhua şäherinden ilkinji ýük otlusy Türkmenistandan üstaşar geçer
Türkmenistanyň Gazy eksport ediji ýurtlaryň forumy bilen hyzmatdaşlygynyň ...
Türkmenistanyň Gazy eksport ediji ýurtlaryň forumy bilen hyzmatdaşlygynyň ösdürilmegi maslahatlaşyldy
Türkmen wekiliýeti Ýewropa Bileleşiginiň wekilleri bilen birnäçe duşuşy...
Türkmen wekiliýeti Ýewropa Bileleşiginiň wekilleri bilen birnäçe duşuşyklary geçirdi