Habarlar / Habarlar
Aşgabatda ÝB-niň we MA-nyň daşary syýasat edaralarynyň ýolbaşçylarynyň duşuşygy geçirildi

Türkmenistanyň paýtagty Aşgabatda penşenbe güni Ýewropa Bileleşiginiň we Merkezi Aziýa ýurtlarynyň daşary syýasat edaralarynyň ýolbaşçylarynyň 20-nji duşuşygy geçirildi. “Ýyldyz” myhmanhanasynda geçirilen çäre halkara hyzmatdaşlygynyň möhüm meselelerini ara alyp maslahatlaşmak üçin sebit döwletleriniň ýokary derejeli ýolbaşçylaryny bir ýere jemledi.

Ýewropa Komissiýasynyň Başlygynyň orunbasary, daşary işler we howpsuzlyk syýasaty boýunça ýokary wekili Kaýa Kallasyň başlyklygynda geçirilen mejlise Türkmenistanyň daşary işler ministri Raşid Meredow, Täjigistanyň daşary işler ministri Sirojiddin Muhriddin, Özbegistanyň daşary işler ministri Bahtiýor Saidow, Gazagystanyň daşary işler ministriniň orunbasary Roman Wasilenko, Gyrgyzystanyň daşary işler ministriniň orunbasary Meder Abakirow gatnaşdylar.

Köptaraply hyzmatdaşlygy ösdürmek we Samarkant şäherinde geçiriljek “ÝB – Merkezi Aziýa” sammiti gepleşikleriň esasy mazmunyny emele getirdi.

Diplomatlar howanyň üýtgemegine garşy göreşmek, ulag geçelgelerini ösdürmek, energetika hyzmatdaşlygy, ylym we bilim ulgamynda özara alyşmalar, sebit howpsuzlygyny üpjün etmek, suw serişdelerini dolandyrmak ýaly ulgamlarda möhüm meseleleriň giň toplumyny ara alyp maslahatlaşdylar.
2024-nji ýylyň oktýabrynda Aşgabatda işe girizilen Hazarüsti ulag geçelgesiniň utgaşdyryjy platformasyna aýratyn üns berildi.  

ÝB-niň sanlylaşdyrmak işinde, energetika, saglygy goraýyş we bilim ulgamlarynda innowasion çözgütleri ösdürmäge gönükdirilen “Global Gateway” başlangyjy ara alnyp maslahatlaşylan aýratyn ugur boldy.

Duşuşykda çykyş eden Türkmenistanyň wekiliýeti öz ýurdunyň Bitaraplyk we hoşniýetli goňşuçylyk ýörelgelerine ygrarlydygyny, netijeli halkara hyzmatdaşlygy mundan beýläk-de ösdürmäge taýýardygyny tassyklady.

Kaýa Kallasyň Aşgabada saparynyň çäklerinde Türkmenistanyň Prezidenti Serdar Berdimuhamedow bilen hem duşuşygy göz öňünde tutulýar.

YHG-nyň Daşary işler ministrleriniň geňeşiniň mejlisiniň çäklerinde Türkmenistanyň başlangyjy bilen biragyzdan karanama kabul edildi
Türkmen kärendeçileri Watan harmanyna 1 million tonnadan gowrak bugdaý tabş...
Türkmen kärendeçileri Watan harmanyna 1 million tonnadan gowrak bugdaý tabşyrdylar
Iýun II hepde: Eksport geleşikleri $33 milliona golaýlady...
Iýun II hepde: Eksport geleşikleri $33 milliona golaýlady
Raşid Meredow ABŞ-nyň Döwlet sekretarynyň orunbasary bilen telefon söhbetd...
Raşid Meredow ABŞ-nyň Döwlet sekretarynyň orunbasary bilen telefon söhbetdeşligini geçirdi
Türkmenistanyň Prezidenti Oleg Kononenkony doglan güni bilen gutlady...
Türkmenistanyň Prezidenti Oleg Kononenkony doglan güni bilen gutlady
Türkmenistan Atom energiýasy boýunça halkara agentligi bilen hyzmatdaşlygy ...
Türkmenistan Atom energiýasy boýunça halkara agentligi bilen hyzmatdaşlygy ösdürmegi meýilleşdirýär
Aşgabatda türkmen milli lybaslarynyň görkezilişi geçirildi...
Aşgabatda türkmen milli lybaslarynyň görkezilişi geçirildi
Szinhua şäherinden ilkinji ýük otlusy Türkmenistandan üstaşar geçer...
Szinhua şäherinden ilkinji ýük otlusy Türkmenistandan üstaşar geçer
Türkmenistanyň Gazy eksport ediji ýurtlaryň forumy bilen hyzmatdaşlygynyň ...
Türkmenistanyň Gazy eksport ediji ýurtlaryň forumy bilen hyzmatdaşlygynyň ösdürilmegi maslahatlaşyldy
Türkmen wekiliýeti Ýewropa Bileleşiginiň wekilleri bilen birnäçe duşuşy...
Türkmen wekiliýeti Ýewropa Bileleşiginiň wekilleri bilen birnäçe duşuşyklary geçirdi