Habarlar / Habarlar
Singapurda Halkara parahatçylyk we ynanyşmak ýyly mynasybetli brifing geçirildi

Singapurda 2025-nji ýylyň «Halkara parahatçylyk we ynanyşmak ýyly» diýlip yglan edilmegi we Türkmenistanyň hemişelik Bitaraplygynyň 30 ýyllygy mynasybetli brifing geçirildi. Bu barada Türkmenistanyň daşary syýasat edarasy habar berdi.

 

Çärä Singapur Respublikasynyň Daşary işler, Ulag, Söwda we senagat ministrlikleriniň, Singapuryň hyzmatdaşlyk agentliginiň ýolbaşçylary we işgärleri, Merkezi Aziýa döwletleriniň bu ýurtda işleýän diplomatik wekilhanalarynyň ýolbaşçylary, alymlar we KHBS-iň wekilleri gatnaşdylar.

 

Çäräniň dowamynda Türkmenistanyň Singapur Respublikasyndaky Adatdan daşary we Doly ygtyýarly ilçisi (oturýan ýeri Seul ş.) B.Durdyýew ýylyň dowamynda Türkmenistanda wajyp ähmiýetli syýasy-diplomatik, ykdysady, şeýle hem medeni çäreleriň geçiriljekdigi barada habar berdi.

 

Şunuň bilen baglylykda, 2025-nji ýylda Türkmenistanyň hemişelik Bitaraplygynyň 30 ýyllygy mynasybetli geçiriljek ýokary derejedäki çärelere aýratyn üns çekildi.

 

Mundan başga-da, brifingde Türkmenistanyň şu ýylyň dowamyndaky işleriniň we ileri tutýan ugurlarynyň Konsepsiýasy bilen tanyşdyryldy.

 

Türkmenistanyň Prezidenti Serdar Berdimuhamedowyň «Magtymguly – dünýäniň akyldary» atly täze kitabynyň we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň «Hakyda göwheri» atly kitabynyň tanyşdyrylyşy hem geçirildi.

 

Çäräniň dowamynda Türkmenistan bilen Singapur Respublikasynyň arasynda alnyp barylýan ikitaraplaýyn hyzmatdaşlyga syn berlip, indiki ýyl iki ýurduň arasynda diplomatik gatnaşyklaryň ýola goýulmagynyň 30 ýyllygyny bellemäge taýýarlyk görmegiň çäklerinde birnäçe teklipler beýan edildi.

 

***

 

Türkmenistanyň ilçisi B.Durdyýewiň Singapur Respublikasyna iş saparynyň dowamynda Singapur Respublikasynyň Premýer-ministriniň edarasynyň, Daşary işler, Ulag, Söwda we senagat ministrlikleriniň ýokary wezipeli resmi wekilleri bilen duşuşyklar geçirildi.

 

Duşuşyklaryň dowamynda türkmen-singapur gatnaşyklarynyň gün tertibinde duran meseleler, hususan-da, ýokary derejedäki saparlary guramak, syýasy geňeşmeleri geçirmek, parlamentara we halkara guramalaryň çäklerindäki hyzmatdaşlygy ösdürmek, söwda-ykdysady gatnaşyklaryny giňeltmek we medeni alyş-çalyşy işjeňleşdirmek ýaly ugurlar boýunça pikir alyşmalar boldy.

Daşary ýurt guramalarynyň ýolbaşçylary Gurbanguly Berdimuhamedowy doglan g...
Daşary ýurt guramalarynyň ýolbaşçylary Gurbanguly Berdimuhamedowy doglan güni bilen gutladylar
Gurbanguly Berdimuhamedow “Kawasaki Heavy Industries Ltd.” kompaniýasynyň ...
Gurbanguly Berdimuhamedow “Kawasaki Heavy Industries Ltd.” kompaniýasynyň direktory bilen duşuşdy
Türkmenistanyň ýolbaşçylary “Daewoo” kompaniýasynyň müdiriýetiniň ...
Türkmenistanyň ýolbaşçylary “Daewoo” kompaniýasynyň müdiriýetiniň başlygy bilen duşuşyk geçirdiler
Türkmenistanyň Prezidenti Serdar Berdimuhamedow Arkadag şäheriniň ýaşaýj...
Türkmenistanyň Prezidenti Serdar Berdimuhamedow Arkadag şäheriniň ýaşaýjylaryny gutlady
Arkadag şäheriniň gurluşygynyň ikinji tapgyrynda ýaşaýyş jaýlarynyň 1...
Arkadag şäheriniň gurluşygynyň ikinji tapgyrynda ýaşaýyş jaýlarynyň 180-den gowragy gurulýar
Eýrandan Türkmenistana daşary ýurtly raýatlaryň 4 müň 640-sy geçirildi...
Eýrandan Türkmenistana daşary ýurtly raýatlaryň 4 müň 640-sy geçirildi
Türkmenistanyň Prezidenti ýapon kompaniýalarynyň ýolbaşçylaryny kabul et...
Türkmenistanyň Prezidenti ýapon kompaniýalarynyň ýolbaşçylaryny kabul etdi
Türkmenistanda hususy hünär bilimi edaralarynyň işi ygtyýarlandyrylar...
Türkmenistanda hususy hünär bilimi edaralarynyň işi ygtyýarlandyrylar
Türkmenistanda Halkara senagatçylar we telekeçiler uniwersiteti dörediler...
Türkmenistanda Halkara senagatçylar we telekeçiler uniwersiteti dörediler
Türkmenistanyň gümrük gullugynyň ýolbaşçysy Brýusselde BGG-niň Baş se...
Türkmenistanyň gümrük gullugynyň ýolbaşçysy Brýusselde BGG-niň Baş sekretary bilen duşuşdy