Google Chrome iň meşhur desktop brauzeri bolup, 66,55% paý bilen bazarda agalygyny dowam edýär. Onuň iň ýakyn bäsdeşi - Microsoft Edge ondan kän yzda galýar.

Statcounter-iň 2025-nji ýylyň fewral aýyndaky maglumatlaryna görä, 0,21% peselmegi Chrome-yň öňdeligine hiç hili täsir etmedi.
Microsoft Edge-iň paýy 13,9% (+ 0,11%) boldy. Üçünji orunda Apple Safari (8,65%, -0.19%) durýar. Dördünji orny Mozilla Firefox (6.36%, + 0,1%) eýeleýär, bäşinji orunda Opera (2.91%, -0.01%) durýar.
Bäsdeşleri müşderi bazasyny artdyrmaga jan edýän hem bolsa, Chrome-a entek çyndan bäsdeş bolup biljek ýok. Microsoft Edge-ni tanatmak üçin mahabaty we dürli hileleri işjeň ulanýar, Mozilla beýleki brauzerleriň Manifest V3-e geçmeginiň fonunda Manifest V2 standartyna goldaw berjekdigini habar berýär, bu bolsa uBlock Origin ýaly giňeltmeler üçin goşmaça goldawy üpjün eder. Opera hem, öz gezeginde, ulanyjy barada alada edýän Air-niň täze wersiýasyny hödürledi.