Habarlar / Habarlar
Kiýewde Halkara parahatçylyk we ynanyşmak ýyly mynasybetli dabaraly çäre geçirildi

Sişenbe güni Türkmenistanyň Ukrainadaky ilçihanasy Türkmenistanyň başlangyjy bilen şu ýylyň “Halkara parahatçylyk we ynanyşmak ýyly” diýlip yglan edilmegi hem-de ýurduň Bitaraplygynyň 30 ýyllygy mynasybetli dabaraly çäre gurady. Bu barada Türkmenistanyň Ukrainadaky diplomatik wekilhanasy habar berdi.

Dabara bu ýurtda ýaşaýan türkmenler, Kiýewiň kitaphanalarynyň işgärleri, ýokary okuw mekdepleriniň mugallymlary, talyplary, žurnalistler hem-de neşirýat wekilleri gatnaşdylar.

Türkmenistanyň Ukrainadaky Adatdan daşary we Doly ygtyýarly ilçisi Toýly Ataýew özüniň çykyşynda BMG-niň Baş Assambleýasynyň 2025-nji ýyly “Halkara parahatçylyk we ynanyşmak ýyly” diýip yglan etmek hakynda Türkmenistanyň başlangyjyny goldandygyny belledi. Ol şeýle hem Türkmenistanyň Bitaraplyk hukuk derejesniň ähmiýeti, ýurduň halkara giňişlikde ýeten sepgitleri, durmuş-ykdysady ösüşdäki, şol sanda energetika, ulag, medeniýet, lukmançylyk we bilim ulgamlaryndaky üstünlikleri barada durup geçdi.

Ilçi şeýle hem Türkmenistanyň başlangyçlary bilen BMG-niň kabul eden “Merkezi Aziýa — parahatçylyk, ynanyşmak we hyzmatdaşlyk zolagy”, “Merkezi Aziýada ýadro ýaragyndan azat zolak hakyndaky Şertnama” we “Birleşen Milletler Guramasynyň oýunlary” atly Kararnamalary barada gürrüň berdi. Onuň bellemegine görä, bu Kararnamalary kabul etmäge dünýä jemgyýetçiliginiň goldamagy Türkmenistany ählumumy parahatçylygy berkitmek boýunça tagallalara has-da işjeň gatnaşmaga iterýär.

Dabaranyň maksatnamasynyň çäklerinde Gurbanguly Berdimuhamedowyň “Türkmenistan – parahatçylygyň we ynanyşmagyň Watany” atly goşgusy labyzly okaldy, ilçihananyň diplomatik işgärleriniň çykyşlaryna hem-de aýdym-sazlara giň orun berildi. Serdar Derekowyň ýerine ýetirmeginde dutarda ýaňlanan türkmen sazy täsirli duýgulary galdyrdy.

Dabaranyň dowamynda Türkmenistanyň milli gymmatlyklarynyň, şeýle hem däp bolan saz gurallaryň, halylaryň, şaý-sepleriň, şekillendiriş sungatynyň eserleriniň we fotosuratlaryň sergisi geçirildi. Onda Türkmenistanyň Prezidenti Serdar Berdimuhamedowyň we türkmen halkynyň Milli Lideri Gurbanguly Berdimuhamedowyň ukrain diline terjime edilen eserelerine hem-de Magtymguly Pyragynyň dünýäniň dürli dillerindäki kitaplaryna hem giň orun berildi.

Şeýle hem şol gün Türkmenistanyň Ukrainadaky ilçihanasynda Türkmenistanyň Prezidenti Serdar Berdimuhamedowyň “Magtymguly – dünýäniň akyldary” atly kitabynyň tanyşdyrylyş dabarasy geçirildi.

Türkmenistan we Ýewropa Bileleşigi TOPH we TOP taslamalarynyň ýagdaýyny ma...
Türkmenistan we Ýewropa Bileleşigi TOPH we TOP taslamalarynyň ýagdaýyny maslahatlaşdylar
Türkmenistan we Owganystan söwda ulgamynda hyzmatdaşlygy berkidýär...
Türkmenistan we Owganystan söwda ulgamynda hyzmatdaşlygy berkidýär
Türkmenistanyň we Gruziýanyň uniwersitetleriniň arasynda hyzmatdaşlygy giňeltmek maslahatlaşyldy
Türkmenistanda pagta ýygymy möwsümine badalga berildi...
Türkmenistanda pagta ýygymy möwsümine badalga berildi
Türkmenistan Eýranyň demirgazyk portlary bilen ulag hyzmatdaşlygyny ösdürm...
Türkmenistan Eýranyň demirgazyk portlary bilen ulag hyzmatdaşlygyny ösdürmäge taýýardygyny tassyklady
Türkmenistanyň Prezidenti KHDR-nyň we Täjigistanyň ýolbaşçylaryny milli ...
Türkmenistanyň Prezidenti KHDR-nyň we Täjigistanyň ýolbaşçylaryny milli baýramlary bilen gutlady
Germaniýada Türkmenistanyň Ykdysadyýet günleri geçiriler...
Germaniýada Türkmenistanyň Ykdysadyýet günleri geçiriler
Türkmenistanyň we Germaniýanyň işewürler toparlary özara göni gatnaşykl...
Türkmenistanyň we Germaniýanyň işewürler toparlary özara göni gatnaşyklary ösdürmekçi
Türkmenistan bilen Eýran üstaşyr ýük daşamalaryny 20 million tonna ýetir...
Türkmenistan bilen Eýran üstaşyr ýük daşamalaryny 20 million tonna ýetirmekçi
Türkmenistan Hytaýyň Milli Energetika Dolandyryş Edarasy bilen hyzmatdaşlyg...
Türkmenistan Hytaýyň Milli Energetika Dolandyryş Edarasy bilen hyzmatdaşlygy pugtalandyrýar