Habarlar / Habarlar
Türkmenistanly boksçular Gazagystanda geçirilen halkara ýaryşda alty medal gazandylar

Türkmenistanly ýetginjek boksçular ýakynda gazagystanly meşhur boksçy Bokenbaý Saktaganowyň ýadygärligine bagyşlanyp, Aktau şäheriniň «Dosan batyr» sport toplumynda geçirilen halkara ýaryşda medallaryň altysyna mynasyp boldular. Şunda türkmen türgenleriniň bir altyn, bir kümüş we dört sany bürünç medal gazanandygyny aýratyn nygtamak gerek.

Dört döwletiň ― Türkmenistanyň. Täjigistanyň, Özbegistanyň we Gazagystanyň wekillerini özünde jemlän halkara ýaryşda türkmen ýygyndysynyň altyn medalyny 54 kilograma çenli agram derejesinde çykyş eden Jeýhun Döwranow gazandy. 57 kilograma çenli agram derejäniň wekili Meýlis Şadurdyýew bolsa diňe final tutluşygyndaky garşydaşyndan ýeňlip, hormat münberiniň ikinji basgançagyna çykdy.

Şeýle hem ýaryşda 48 kilograma çenli agram derejesinde Hangeldi Lukmanow, 60 kilograma çenli derejede Mekan Sabyrow, 63,5 kilograma çenli türgenleriň arasynda Annageldi Jumamyradow we 67 kilograma çenli derejede Atageldi Seýidow dagylar bürünç medala mynasyp boldular.

Türkmenistanly türgenleri bu abraýly ýaryşa ýurdumyzyň ýetginjekler ýygyndysynyň uly tälimçisi Maksut Şeripow bilen milli ýygyndymyzyň baş tälimçisi Tenilbek Kumakulow taýýarlady. Halkara ýaryşa ildeşimiz Timur Halilowyň emin hökmünde gatnaşandygyny hem agzamak gerek.

Ýeri gelende aýtsak, ýetginjek bokçularymyz şu ýylyň dowamynda eýýäm ikinji gezek bu şäherde geçirilen halkara ýaryşa gatnaşýarlar. Hut şu şäherde fewral aýynda geçirilen halkara ýaryşda hem ýetginjek türgenlerimiz Maksut Şeripowyň ýolbaşçylygynda 8 medal gazanmagy başarypdylar. Meýlis Şadurdyýew, Hangeldi Lukmanow we Mekan Sabyrow ýaly türgenlerimiz bolsa bu ýaryşlaryň ikisinde hem hormat münberine çykdylar.

Türkmen wekiliýeti Osakada “EKSPO-2025” Bütindünýä sergisiniň ýapyly...
Türkmen wekiliýeti Osakada “EKSPO-2025” Bütindünýä sergisiniň ýapylyş dabarasyna gatnaşdy
Türkmenistanyň pawilýony EXPO 2025-de iň köp barylýan pawilýonlaryň üç...
Türkmenistanyň pawilýony EXPO 2025-de iň köp barylýan pawilýonlaryň üçlügine girdi
TDHÇMB "Şahsy otag" ulgamyny netijeli ulanmak boýunça okuw sapagyny geçirer...
TDHÇMB "Şahsy otag" ulgamyny netijeli ulanmak boýunça okuw sapagyny geçirer
Türkmenistan–Eýran: onlaýn we offlaýn söwda meýdançalarynyň döredilme...
Türkmenistan–Eýran: onlaýn we offlaýn söwda meýdançalarynyň döredilmegi maslahatlaşyldy
Türkmenistan Ýewropa maýa goýum banky bilen ylalaşyk taslamasyny maslahatla...
Türkmenistan Ýewropa maýa goýum banky bilen ylalaşyk taslamasyny maslahatlaşdy
Türkmenistan Brýusselde gaýtadan dikeldilýän energiýa taslamalary bilen ta...
Türkmenistan Brýusselde gaýtadan dikeldilýän energiýa taslamalary bilen tanyşdyrdy
OGT 2025 gyzyklanmanyň ýokarydygy sebäpli hasaba alyş möhletini uzaldýar...
OGT 2025 gyzyklanmanyň ýokarydygy sebäpli hasaba alyş möhletini uzaldýar
Türkmenistan 2026-njy ýylda GDA-nyň başlyklyklygyna uly jogapkärçilik bile...
Türkmenistan 2026-njy ýylda GDA-nyň başlyklyklygyna uly jogapkärçilik bilen çemeleşer
Türkmenistanyň Prezidenti Serdar Berdimuhamedowyň Täjigistan Respublikasyna ...
Türkmenistanyň Prezidenti Serdar Berdimuhamedowyň Täjigistan Respublikasyna iş sapary başlandy
Balkan welaýatynda Garabogazköl aýlagynyň üstünden geçýän awtomobil kö...
Balkan welaýatynda Garabogazköl aýlagynyň üstünden geçýän awtomobil köprüsi ulanmaga berler