Habarlar / Habarlar
Türkmen halkynyň Milli Lideri Türkmenistanyň Sport ulag merkezine baryp gördi

Häzirki wagtda zähmet rugsadynda bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Aşgabadyň demirgazyk künjeginde ýerleşýän Sport ulag merkezine bardy. Bu barada «Türkmenistan: Altyn asyr» habarlar saýty habar berýär.

Bellenilişi ýaly, Halk Maslahatynyň Başlygy bu ýerde ýaş türgenler üçin döredilen şertler, merkeziň ygtyýarynda bar bolan sport ulaglarynyň görnüşleri we olaryň tehniki aýratynlyklary bilen gyzyklandy.

Türkmen halkynyň Milli Lideri sport ulaglarynyň birini dolandyryp, onuň tehniki mümkinçiliklerini synagdan geçirdi. Awtoulag türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň dolandyrmagynda çylşyrymly öwrümleriň birnäçesini amala aşyrdy hem-de driftingiň dürli usullaryny ulanyp, sport ulagyny dolandyrmakda Gahryman Arkadagyň ussatlygyny görkezdi.

Soňra türkmen halkynyň Milli Lideri Sport ulag merkeziniň ýolbaşçysy bilen söhbetdeş boldy hem-de merkeziň çäginde döredilen ugurdaş desgalar toplumynyň özboluşly şäherçä öwrülendigini belledi.

Söhbetdeşlikde bellenilişi ýaly, bu ýerde Türkmenistanyň Içeri işler ministrliginiň Döwlet ýol gözegçiligi gullugyna degişli birnäçe desgalar döredildi, onuň golaýynda harby we hukuk goraýjy edaralaryň işgärleri hem-de gullukçylary üçin ýaşaýyş jaýlary guruldy. Şeýle hem bu ýerde medeni-köpçülikleýin çäreleri geçirmäge niýetlenen merkez hereket edýär. Şunuň bilen baglylykda, Gahryman Arkadag ýaşaýyş toplumlarynyň ýanynda awtomobil sportuna degişli desgalaryň we önümçilik toplumlarynyň gurulmagynyň maksadalaýyk hasaplanylmaýandygyny, ýaryş geçirilende ýokary tizlikde hereket edýän batly sesli awtoulaglaryň raýatlaryň rahatlygyny bozmazlygyny, şeýle hem bu ugra höwesek ýaşlaryň sanynyň artýandygyny nazara alyp, merkezi göçürmek teklibini öňe sürdi.

Merkeziň ýolbaşçysy türkmen halkynyň Milli Liderine bu maslahatynyň taryhy ähmiýetiniň bardygyny belledi hem-de merkeziň ähli işgärleriniň we gullukçylarynyň adyndan sagbolsun aýtdy.

Halk Maslahatynyň Başlygy täze toplumyň dörediljek ýeri kesgitlenilse, bu babatda öňe sürlen teklibi Türkmenistanyň Ýaragly Güýçleriniň Belent Serkerdebaşysyna ýetirjekdigini aýtdy we Sport ulag merkeziniň ýolbaşçysyna mundan beýläk-de uly ösüşleri, ýokary netijeleri gazanmak ugrundaky asylly işlerinde üstünlikleri arzuw edip, bu ýerden ugrady.

Türkmen halkynyň Milli Lideri Azerbaýjanyň Prezidenti bilen duşuşdy...
Türkmen halkynyň Milli Lideri Azerbaýjanyň Prezidenti bilen duşuşdy
Gurbanguly Berdimuhamedowyň Azerbaýjana resmi sapary başlandy...
Gurbanguly Berdimuhamedowyň Azerbaýjana resmi sapary başlandy
«Balkan» gämi gurluşyk we abatlaýyş zawodynyň çäginde ornaşdyrylan lab...
«Balkan» gämi gurluşyk we abatlaýyş zawodynyň çäginde ornaşdyrylan laboratoriýada synaglar geçirilip başlandy
Aşgabatda saglygy goraýyş, bilim we sport boýunça halkara sergisi geçirile...
Aşgabatda saglygy goraýyş, bilim we sport boýunça halkara sergisi geçiriler
Awazada geçiriljek halkara forumyna 30-dan gowrak döwlet Baştutany gatnaşar...
Awazada geçiriljek halkara forumyna 30-dan gowrak döwlet Baştutany gatnaşar
Gurbanguly Berdimuhamedow myhmanhanalaryň LLDC3 maslahatyna taýýarlyk derejes...
Gurbanguly Berdimuhamedow myhmanhanalaryň LLDC3 maslahatyna taýýarlyk derejesi bilen tanyşdy
Gurbanguly Berdimuhamedow Awazada gämi ýüzüşi amala aşyrdy...
Gurbanguly Berdimuhamedow Awazada gämi ýüzüşi amala aşyrdy
TULM Hytaýyň konteýnerli synag otlusyny Türkmenbaşy porty arkaly Azerbaýja...
TULM Hytaýyň konteýnerli synag otlusyny Türkmenbaşy porty arkaly Azerbaýjana ugratdy
Yslamabat şäherinde Halkara parlamentariler kongressiniň baş sekretarynyň ýolbaşçylygyndaky wekiliýet bilen duşuşyk geçirildi
“Türkmendeňizderýaýollary” agentligi iki sany Ro-Ro görnüşli gämiler...
“Türkmendeňizderýaýollary” agentligi iki sany Ro-Ro görnüşli gämileri we bir sany gury ýük daşaýan gämisiniň gurulmagy babatynda bäsleşik yglan etdi