Habarlar / Habarlar
Şawkat Mirziýoýew Türkmenistanyň Prezidentini we Halk Maslahatynyň Başlygyny Özbegistana sapar bilen çagyrdy

Ozal habar berşimiz ýaly, Merkezi Aziýa döwletleriniň Baştutanlarynyň altynjy konsultatiw duşuşygyna gatnaşmak üçin 9-njy awgustda Gazagystanyň paýtagtyna iş saparyny amala aşyran Türkmenistanyň Prezidenti Serdar Berdimuhamedow bu ýerde Özbegistan Respublikasynyň Prezidenti Şawkat Mirziýoýew bilen hem duşuşdy.

Duşuşygyň barşynda Prezident Serdar Berdimuhamedow Türkmenistan bilen Özbegistanyň Merkezi Aziýanyň, Hytaýyň, Ýewropanyň, Ýakyn we Orta Gündogaryň ulag ulgamlaryny birleşdirmek üçin zerur şertleri döretmek boýunça tagallalaryny birleşdirip biljekdiklerini aýdyp, ulag ulgamyna aýratyn ünsi çekdi. Şunuň bilen baglylykda, Pars aýlagyna hem-de Hazar deňzine çykalgasy bolan Hytaý — Gyrgyzystan — Özbegistan — Türkmenistan ulag ugrunyň, Türkmenbaşynyň Halkara deňiz portunyň mümkinçiliklerini peýdalanmagyň möhümdigi bellenildi.

Türkmen döwletiniň Baştutany Merkezi Aziýa — Ýakyn Gündogar ulag geçelgesiniň döredilmegini göz öňünde tutýan Aşgabat Ylalaşygyna ünsi çekdi. Energetika ulgamynda hem netijeli hyzmatdaşlyk ýola goýuldy.

Söhbetdeşler medeni-ynsanperwer ulgamda ikitaraplaýyn gatnaşyklaryň üstünlikli ösdürilýändigini kanagatlanma bilen bellediler. Prezident Serdar Berdimuhamedow 2023-nji ýylyň oktýabrynda Özbegistanda Türkmenistanyň Medeniýet günleriniň geçirilendigini ýatladyp, türkmen tarapynyň şu ýyl Türkmenistanda Özbegistanyň Medeniýet günlerini geçirmäge taýýardygyny beýan etdi.

Prezident Şawkat Mirziýoýew şu ýylyň başynda beýik türkmen şahyrynyň doglan gününiň 300 ýyllygyny Özbegistanda giňden bellemek hakynda Karara gol çekendigini aýdyp, Magtymguly Pyragynyň diňe bir türki halklaryň däl, eýsem, tutuş dünýä edebiýatynyň we medeniýetiniň taryhynda hem aýratyn orun eýeleýändigini belledi.

Pursatdan peýdalanyp, özbek Lideri Türkmenistanyň Prezidenti Serdar Berdimuhamedowy hem-de Türkmenistanyň Halk Maslahatynyň Başlygy Gurbanguly Berdimuhamedowy islendik amatly wagtda resmi sapar bilen Özbegistana gelmäge çagyrdy. Çakylyk minnetdarlyk bilen kabul edildi. Bu barada TDH ýazýar.


 

Balkanabatda Eýranyň Gülüstan welaýatynyň eksport mümkinçilikleri görke...
Balkanabatda Eýranyň Gülüstan welaýatynyň eksport mümkinçilikleri görkeziler
"Dragon Oil" Türkmenistanda 468 million barrel nebit çykardy...
"Dragon Oil" Türkmenistanda 468 million barrel nebit çykardy
Türkmenistan ABŞ-a TOPH gaz geçiriji taslamasyny goldandygy üçin minnetdarl...
Türkmenistan ABŞ-a TOPH gaz geçiriji taslamasyny goldandygy üçin minnetdarlyk bildirdi
Gurbanguly Berdimuhamedow Owganystanyň Ministrler Kabinetiniň Başlygynyň oru...
Gurbanguly Berdimuhamedow Owganystanyň Ministrler Kabinetiniň Başlygynyň orunbasary bilen duşuşdy
TOPH-yň durmuşa geçirilmegi Owganystanyň halkyna ýylda $1 milliard girdeji ...
TOPH-yň durmuşa geçirilmegi Owganystanyň halkyna ýylda $1 milliard girdeji getirer
TOPH: Milli Liderimiziň gaz geçirijiniň nobatdaky tapgyrynyň dabarasynda ede...
TOPH: Milli Liderimiziň gaz geçirijiniň nobatdaky tapgyrynyň dabarasynda eden çykyşy
Gurbanguly Berdimuhamedow Serhetabat–Hyrat gaz geçirijisiniň nobatdaky tapgy...
Gurbanguly Berdimuhamedow Serhetabat–Hyrat gaz geçirijisiniň nobatdaky tapgyryna ak pata berdi
BMG-de “Awaza syýasy Jarnamasy” atly Kararnama biragyzdan kabul edildi...
BMG-de “Awaza syýasy Jarnamasy” atly Kararnama biragyzdan kabul edildi
Тürkmenistanyň we BAE-nyň wekilleri GITEX Global-2025 sergisinde sanly hyzma...
Тürkmenistanyň we BAE-nyň wekilleri GITEX Global-2025 sergisinde sanly hyzmatdaşlygy maslahatlaşdylar
Aşgabatda "Türkmentel-2025" halkara sergisi geçiriler...
Aşgabatda "Türkmentel-2025" halkara sergisi geçiriler