Habarlar / Habarlar
Türkmenistanda Gazagystanyň Prezidentiniň resmi saparyna garaşylýar

Türkmenistanda Gazagystan Respublikasynyň Prezidenti Kasym-Žomart Tokaýewiň şu ýylyň 10-11-nji oktýabrynda Aşgabada resmi sapar bilen gelmegine hem-de onuň Magtymguly Pyragynyň doglan gününiň 300 ýyllygy mynasybetli guraljak halkara foruma gatnaşmagyna garaşylýar. «Watan» habarlar gepleşiginde habar berlişi ýaly, bu barada 9-njy awgustda Astanada iş saparynda bolan Türkmenistanyň Prezidenti Serdar Berdimuhamedow Gazagystan Respublikasynyň Prezidenti Kasym-Žomart Tokaýew bilen geçirilen duşuşygynda aýtdy.

Duşuşygyň barşynda Prezident Kasym-Žomart Tokaýew türkmen döwletiniň Baştutanyna köpugurly döwletara gatnaşyklary pugtalandyrmaga çalyşýandygy üçin hoşallyk bildirip, söwda-ykdysady, ulag-logistika, energetika, senagat ulgamlarynda we beýleki geljegi uly ugurlarda özara bähbitli hyzmatdaşlygy ösdürmek üçin uly mümkinçilikleriň bardygyny belledi.

Prezident Serdar Berdimuhamedow Türkmenistanyň Gazagystan Respublikasy bilen gatnaşyklara uly üns berýändigi barada aýtmak bilen, mümkinçilikden peýdalanyp, Prezident Kasym-Žomart Tokaýewe döwletara dialogy ösdürmäge goşýan şahsy goşandy üçin minnetdarlyk bildirdi.

Türkmenistanyň Prezidenti türkmen-gazak hyzmatdaşlygynyň möhüm ugurlarynyň biri bolup durýan söwda-ykdysady gatnaşyklar meselesine geçip, ulag ulgamynyň ähmiýetine ünsi çekdi. Bu babatda Türkmenbaşy, Aktau we Kuryk deňiz portlarynyň kuwwatyndan peýdalanmak arkaly, Hazarüsti ulag geçelgesiniň ugrunda bilelikdäki işleri güýçlendirmek teklip edilýär. Şunuň bilen birlikde, Gazagystan – Türkmenistan – Eýran demir ýolunyň mümkinçiliklerinden doly peýdalanmak we Hytaý – Gazagystan – Türkmenistan – Eýran ulag-üstaşyr geçelgesini işjeňleşdirmek teklip edilýär.

Bellenilişi ýaly, ykdysady hyzmatdaşlygyň beýleki bir ileri tutulýan ugry energetika bilen baglanyşyklydyr. Prezident Serdar Berdimuhamedowyň belleýşi ýaly, türkmen halkynyň Milli Lideriniň gazak Lideri bilen duşuşygynyň barşynda gaz ulgamynda ikitaraplaýyn hyzmatdaşlygyň mümkinçilikleri ara alnyp maslahatlaşyldy. Şunuň bilen baglylykda, Prezident Serdar Berdimuhamedow Türkmenistanyň bu mesele boýunça gepleşiklere taýýardygyny ýene bir gezek nygtady. Elektroenergetika ulgamynda-da hyzmatdaşlyk üçin uly mümkinçilikleriň bardygy bellenildi.

Şeýle-de duşuşykda Prezident Serdar Berdimuhamedow häzirki wagtda Aşgabat şäheriniň çäginde gazak şahyry we filosofy Abaý Kunanbaýewiň ýadygärligini oturtmak üçin ýer bölegini bermek boýunça degişli işleriň alnyp barylýandygyny aýtdy.

Duşuşygyň dowamynda ikitaraplaýyn hyzmatdaşlygyň beýleki möhüm meseleleri barada-da gyzyklanma bildirilip pikir alşyldy.


 

YHG-nyň Daşary işler ministrleriniň geňeşiniň mejlisiniň çäklerinde Türkmenistanyň başlangyjy bilen biragyzdan karanama kabul edildi
Türkmen kärendeçileri Watan harmanyna 1 million tonnadan gowrak bugdaý tabş...
Türkmen kärendeçileri Watan harmanyna 1 million tonnadan gowrak bugdaý tabşyrdylar
Iýun II hepde: Eksport geleşikleri $33 milliona golaýlady...
Iýun II hepde: Eksport geleşikleri $33 milliona golaýlady
Raşid Meredow ABŞ-nyň Döwlet sekretarynyň orunbasary bilen telefon söhbetd...
Raşid Meredow ABŞ-nyň Döwlet sekretarynyň orunbasary bilen telefon söhbetdeşligini geçirdi
Türkmenistanyň Prezidenti Oleg Kononenkony doglan güni bilen gutlady...
Türkmenistanyň Prezidenti Oleg Kononenkony doglan güni bilen gutlady
Türkmenistan Atom energiýasy boýunça halkara agentligi bilen hyzmatdaşlygy ...
Türkmenistan Atom energiýasy boýunça halkara agentligi bilen hyzmatdaşlygy ösdürmegi meýilleşdirýär
Aşgabatda türkmen milli lybaslarynyň görkezilişi geçirildi...
Aşgabatda türkmen milli lybaslarynyň görkezilişi geçirildi
Szinhua şäherinden ilkinji ýük otlusy Türkmenistandan üstaşar geçer...
Szinhua şäherinden ilkinji ýük otlusy Türkmenistandan üstaşar geçer
Türkmenistanyň Gazy eksport ediji ýurtlaryň forumy bilen hyzmatdaşlygynyň ...
Türkmenistanyň Gazy eksport ediji ýurtlaryň forumy bilen hyzmatdaşlygynyň ösdürilmegi maslahatlaşyldy
Türkmen wekiliýeti Ýewropa Bileleşiginiň wekilleri bilen birnäçe duşuşy...
Türkmen wekiliýeti Ýewropa Bileleşiginiň wekilleri bilen birnäçe duşuşyklary geçirdi