«Türkmenpoçta» poçta aragatnaşyk kompaniýasy döwrebap çaparçylyk hyzmatyny hödürleýär. Bu hyzmat birnäçe tapawutly aýratynlyklary sebäpli ýurduň ýaşaýjylarynyň arasynda giň meşhurlyga eýe bolýar.

- ýokary derejede amatlylyk: munda iberijiniň poçta bölümine barmagynyň zerurlygy ýok — çapar ýollamany özi alyp, eltmeli salga gowşurýar.

- wagtyň tygşytlanmagy: ýollamasy tejribeli hünärmenleriň ygtyýarynda mahaly, müşderiler öz has möhüm işleri bilen meşgul bolup bilerler.

- howpsuzlyk: ýörite taýýarlygy bolan çaparlar özlerine ynanylan ýollamalaryň howpsuzlygy üçin doly jogapkärçilik çekýärler.

- goşmaça mümkinçilikler: ýüz tutmak bilen goşmaça degişli hyzmatlary ulanmak mümkinçiligi.

«Gapydan-gapa» çaparçylyk hyzmaty wagtyň gymmatyna ähmiýet berýän we ýollamalary ugratmagyň we almagyň amatly usullaryndan peýdalanmak isleýän her bir adam üçin oňaýlydyr.

Çapary birnäçe usul arkaly çagyryp bilersiňiz:

Kompaniýanyň post.tm resmi web saýty arkaly

(+993 12) 92 14 95 telefon belgisine jaň etmek bilen

«ÇaparPay» mobil goşundysyny ulanyp (Android we iOS üçin elýeterli)

«Türkmenpoçta»-nyň hyzmatyndan peýdalanyň we ýokary derejeli çaparçylyk hyzmatynyň tapawutly artykmaçlyklaryna baha beriň.

Şeýle-de okaň:

• «ÇaparPay» goşundysy — Türkmenistanyň içerki gatnaw awiapeteklerini onlaýn almagyň amatly usuly