Eýrandan ugrap, Türkmenistanyň çäginden üstaşyr geçen ilkinji ýük otlusy Özbegistanyň Buhara şäherine baryp ýetdi. Bu barada IRNA agentligi duşenbe güni habar berdi.

Gara metallurgiýa önümleri, şol sanda sürteç demiri bilen ýüklenen 40 wagondan ybarat bu ýuk otlusy Eýranyň Sarahs menzilinden Buhara ugradyldy.

Habarda bellenilişi ýaly, mundan öň Stambul şäherinde Türkmenistan, Türkiýe, Hytaý, Özbegistan, Gazagystan we Eýran döwletleriniň arasynda alty taraplaýyn demir ýol hyzmatdaşlyk ylalaşygyna gol çekildi.

2025-nji ýylyň noýabr aýynda Russiýanyň Eýran ugry boýunça ilkinji ýük otlusy Türkmenistanyň çäginden üstaşyr geçip, Eýrana bardy.