Türkmen wekiliýeti Daşkentde Transhazar ulag geçelgesi we oňa degişli hyzmatdaşlygy ösdürmek boýunça geçirilýän maýadarlar forumyna gatnaşýar. Bu barada penşenbe güni Türkmenistanyň Özbegistan Respublikasyndaky ilçihanasy habar berdi.

Forumyň çäginde Transhazar ugryny giňeltmegiň mümkinçilikleri we halkara hyzmatdaşlygy ösdürmek meseleleri ara alnyp maslahatlaşdylar.

Çäre Ýewropa Bileleşiginiň, Gara deňiz sebitiniň we Merkezi Aziýa ýurtlarynyň wekillerini bir ýere jemlär, we transport ulgamyndaky esasy ugurlar boýunça dialoglary geçirmekde esasy platforma bolup hyzmat eder.Forum häzirki zaman transport-logistika mümkinçiliklerini ösdürmekde täze geçelgeleri döretmäge gönükdirilendir.

Hytaýyň, Gazagystanyň, Hazar deňziniň, Azerbaýjanyň we Gruziýanyň üstünden geçýän, Ýewropa we Aziýa yklymlaryny özara baglanyşdyrýan Halkara Transhazar ulag geçelgesi (Orta geçelge) demir we deňiz ulaglary arkaly konteýner ýük daşamalaryny amala aşyrmakda peýdalanylýar.