2025-nji ýylyň 14-15-nji awgust aralygynda Ahal welaýatynyň Änew şäheriniň Ak bugdaý etrabynda, şeýle hem Balkan welaýatynyň Esenguly şäherinde ilata boş iş orunlarynyň hödürleniş çäreleri geçiriler. Bu çäreleriň çäklerinde ýaşaýjylar iş berijiler bilen duşuşyp, boş iş orunlary barada giňişleýin maglumat alyp bilerler. Bu barada çarşenbe güni Türkmenistanyň resmi metbugaty habar berdi.

Änew şäherindäki boş iş orunlarynyň hödürleniş çäresi 14-nji awgustda şäher häkimliginiň mejlisler jaýynda sagat 10:00-dan 12:00-a çenli geçiriler. 

Esenguly şäherindäki çäre bolsa 15-nji awgustda ilatyň Zähmet we ilatyň iş bilen üpjünçiligi müdirliginiň binasynda gurnalar. Çäre sagat 10:00-da başlap, 12:00-da tamamlanar.

Çärelere döwlet edaralary, hususy kärhanalar hem-de şahsy telekeçiler gatnaşar. Iş gözleýänler şahsyýetini tassyklaýan resminamasy, eger bar bolsa, zähmet depderçesi hem-de hünärini tassyklaýan resminamasy bilen gelmelidir.