Türkmen telekeçileri 2025-nji ýylyň 28–30-njy oktýabr aralygynda Daşkendiň “Uzeksposentr” sergi merkezinde geçiriljek XIX halkara “MiningMetals Uzbekistan – 2025” sergisine gatnaşmaga çagyrylýar, diýip Türkmenistanyň Söwda-senagat edarasy habar berýär.

Bu halkara çäre magdançylyk, metallurgiýa we metal önümlerini işlemek ýaly pudaklarynda iň täze tehnologiýalaryň, innowasion çözgütleriň we enjamlaryň tanyşdyrylmagy üçin möhüm meýdança bolar. Bu barada serginiň resmi web sahypasynda habar berilýär.

Sergi her ýyl dünýäniň dürli ýurtlaryndan enjam öndürijileriniň, üpjün edijileriniň, magdançylyk-metallurgiýa kompaniýalarynyň wekilleriniň, ylmy jemgyýetçilik wekilleriniň hem-de döwlet edaralarynyň gatnaşmagynda ýokary derejede geçirilýär.

2024-nji ýylda “MiningMetals Uzbekistan” serginiň umumy tutýan meýdany 5 590 inedördül metre barabar boldy. Oňa 19 ýurtdan 170-den gowrak kompaniýa gatnaşyp, sergä 3 müňden gowrak myhman gatnaşdy.