24-nji maýda “Ak şäherim Aşgabat” atly köpugurly halkara serginiň çäklerinde Türkmenistanyň Söwda-senagat edarasynyň (TSSE) wekilleriniň Belarus Respublikasynyň Söwda-senagat palatasynyň Minsk şäherindäki şahamçasynyň işewür wekiliýeti bilen duşuşygy boldy. Bu barada TSSE-niň metbugat gullugy habar berýär. 

Gepleşikleriň dowamynda taraplar özara bähbitli hyzmatdaşlygy gieňltmäge gönükdirilen anyk teklipleri bilen tanyşdyrdylar. Şeýle hem geljekde bilelikdäki taslamalary durmuşa geçirmegiň mümkinçilikleri ara alnyp maslahatlaşyldy. 

Habarda bellenilişi ýaly, bu duşuşyk ýurtlaryň arasynda diňe bir ykdysady gatnaşyklary çuňlaşdyrmaga ýardam bermek bilen çäklenmän, eýsem Türkmenistanyň daşary ykdysady strategiýasynyň netijeli durmuşa geçirilýändigini hem aýdyň tassyklady. 

Şeýle hem şol gün senagat, energetika, oba hojalygy, gurluşyk, ulag-logistika ýaly ulgamlardaky hyzmatdaşlyga bagyşlanan 13 sany özara duşuşyklar geçirildi.