Türkmenistanyň Pakistandaky ilçihanasy 25-nji maýda Yslamabatdaky “Serena” myhmanhanasynda geçirilen “Dünýäniň tagamlary” atly haýyr-sahawat festiwalyna gatnaşdy. Bu çäre diplomatik wekilhanalaryň we myhmanhananyň administrasiýasynyň goldamagynda Yslamabatdaky daşary ýurtly zenanlaryň birleşmesi (IFWA) tarapyndan guraldy diýip, Türkmenistanyň Pakistandaky ilçihanasy habar berýär. 

Festiwal Amerika, Ýewropa, Afrika, Ýakyn Gündogar we Aziýa ýurtlarynyň ilçihanalarynyň wekillerini bir ýere jemledi. Olar milli aşhanalarynyň tagamlary bilen tanyşdyrdylar. Türkmen wekiliýeti däp bolan tagamlarynyň giň görnüşlerini görkezdiler. 

Türkmenistanyň Pakistandaky ilçihanasy “Dünýäniň tagamlary” atly haýyr-sahawat festiwalynda, 2025-nji ýylyň 25-nji maýy, Yslamabat, Pakistan (Surat: Türkmenistanyň Pakistandaky ilçihanasy)

Türkmenistanyň ilçihanasy milli medeniýeti we aşhana mirasyny tanyşdyrmak bilen çäräniň geçirilmegine işjeň goldaw berdi. Türkmen aşhanasynyň baý tagam görnüşleri we gaýtalanmajak lezzeti festiwala gatnaşyjylarda hem-de myhmanlarda uly gyzyklanma döretdi. 

Çäräni guraýjylar haýyr-sahawat başlangyjyna gatnaşandyklary we beren goldawlary üçin diplomatik gulluklara hoşallyk bildirdiler. IFWA-nyň agzalarynyň nygtaýşy ýaly, restoran medeniýetiniň nusgasyna öwrülen festiwal halklaryň arasynda özara düşünişmäge ýardam berip hem-de  haýyrly işlere sebäp bolup biler.