Azerbaýjanyň Hazar deňiz gämiçilik kompaniýasyna (ASCO) degişli “Görogly” tankeri meýilnamalaýyn abatlaýyş işlerinden soň ýük daşamak hereketlerini täzeden ýola goýdy we gämi ilkinji ýüzüşi arkaly Türkmenistanyň Gyýanly portuna bardy.

ASCO-nyň maglumatlaryna laýyklykda, tankeriň abatlaýyş işleri bellenen wagtynda “Zyh” gämi abatlaýyş-gurluşyk zawodynda geçirildi diýip, “Caliber.Az” neşiri habar berýär.

Abatlaýyş döwründe gäminiň suwasty we üstki bölekleri arassalanyp, boýag işleri ýerine ýetirildi. Şeýle hem paluba we hereketlendiriji bölümi doly täzelendi, turbageçirijiler, elektrik ulgamlary hem-de gäminiň korpusy boýunça zerur tehniki işler amala aşyryldy. Gäminiň ýaşaýyş otaglary we naharhana bölümleri hem döwrebap görnüşde abatlandy.

Gäminiň ähli tehniki işlerinden soňra, “Görogly” synag tapgyrlaryny üstünlikli geçip, ýük gatnawlaryna täzeden işe goşuldy.

Mundan başga-da, Azerbaýjanyň Hazar deňiz gämiçilik kompaniýasynyň (ASCO) sargydy esasynda Baku gämi-gurluşyk zadowynda gurlan “Zangilan” tankeri 2024-nji ýylyň 17-nji iýulynda ilkinji ýüküni Türkmenistanyň Alaja deňiz portuna getirdi.