2025-nji ýylyň dowamynda “Suvari Shipping and Trading Co Inc.” döwlet maksatly iri taslamalarynyň çäginde agyr hem-de ölçegden çykýan enjamlaryň ulag-üstaşyr getirilmegini üstünlikli amala aşyrdy. Senagat enjamlary ýüklenen bäş rus gämisi Wolga–Don kanaly arkaly geçip, Türkmenbaşy şäheriniň Halkara deňiz portuna gelip ýetdi.

Işiň möhüm tapgyrlarynyň biri 30 metre çenli uzyn modullaryň, agramy 235 tonna çenli bolan iri bölekleriň, şeýle hem 364 tonna çenli agramly generatorlaryň we gaz turbinleriniň ýüklenmegi boldy. Bu ugurdaş işler jikme-jik meýilleşdirmegi hem-de ýöriteleşdirilen enjamlaryň ulanylmagyny talap etdi.

“Suvari Shipping and Trading Co Inc.” ähli logistik zynjyry dolulygyna öz üstüne aldy – Haýdarpşa portundaky ýüklemeden başlap, Kerç bogazynyň we Wolga–Don kanalynyň üsti bilen Türkmenbaşy portuna çenli ugradyş we gelip ýetiş ugurlaryny dolandyrdy. Gämiler gelenden soň kompaniýa gämi agenti hökmünde çykyş edip, gämilere hyzmatyny, port operasiýalaryny we degişli resminamalaryň taýýarlanylmagyny gurady.

Bu taslama kompaniýanyň agyr ýükleriň çylşyrymly daşalmagyny guraly görnüşde ýerine ýetirmekde ýokary hünär derejesine eýedigini ýene bir gezek subut etdi. 2025-nji ýyl “Suvari Shipping and Trading Co Inc.” kompaniýasynyň döredilmeginiň 20 ýyllygyna hem gabat geldi.

"Suvari Shipping and Trading Co Inc." deňiz gatnawlary ugrunda özüniň öňdebaryjy orunyny has-da pugtalandyrýar. Kompaniýa agyr ýükleri daşamak boýunça innowasion çözgütleri hödürläp, öz işiniň ähli tapgyrlarynda yzygiderli ýokary hil ülňülerine laýyk hyzmat edýär.