Osakada "Durmuşymyz üçin geljegiň jemgyýetini döretmek" şygary astynda geçirilen EXPO 2025 Bütindünýä sergisi öz işini resmi taýdan tamamlady. Alty aýlyk halkara alyşmalardan soň, 150-den gowrak gatnaşyjy ýurtlary jemlän sergi, innowasiýalaryň we hyzmatdaşlygyň baý mirasyny galdyrdy.

Türkmenistanyň Milli pawilýony serginiň iň köp barylýan ekspozisiýalarynyň üçlügine girdi.

EXPO 2025 açylandan bäri Türkmenistanyň pawilýony Ýaponiýanyň ýaşaýjylarynyň hem, dünýäniň dürli künjeklerinden gelen syýahatçylaryň hem arasynda aýratyn meşhurlykdan peýdalandy. Türkmen ekspozisiýasy serginiň iň köp barylýan meýdançalarynyň biri boldy, ýurduň medeniýeti, däpleri, taryhy we innowasion mümkinçilikleri barada baý we gyzykly mazmuny üstünlikli görkezdi.

Serginiň alty aýlyk işiniň dowamynda Türkmenistanyň pawilýony 2 000 000-den gowrak myhman kabul etdi. «Gowy geljege ylham bermek» mowzugy astynda işlän pawilýon, Beýik Ýüpek ýolunyň gadymy däpleri bilen häzirki zaman arzuwlaryny birleşdiren binagärlik köprüsi boldy. Pawilýon maýa goýum mümkinçiliklerini, esasanam syýahatçylyk ulgamynda, Arkadag ýaly «akylly» şäher taslamalaryny dünýä tanatmak üçin meýdança hökmünde öz işini üstünlikli ýerine ýetirdi.

EXPO 2025 Osaka Bütindünýä sergisi 13-nji aprelden 13-nji oktýabra çenli Ýumeşima adasynda geçirildi we 160 ýurdy hem-de 9 halkara guramany birleşdirdi. Ýarym ýylyň içinde oňa 28 million töweregi adam baryp gördi.

Çeşme: THP