Türkmenistanyň Daşary işler ministrliginde Hazar deňzi meseleleri boýunça ýokary derejeli iş toparynyň on birinji mejlisinde Hazar deňziniň suwunyň çekilmegi bilen bagly meseleler gozgalyp, hazarýaka döwletleriniň iş toparyny döretmek teklip edildi. Bu barada Türkmenistanyň Daşary işler ministrligi habar berýär.

Maslahata Hazarýaka döwletleriň wekiliýetleri gatnaşdy: Türkmenistanyň wekiliýetine M.G.Atajanow, Azerbaýjanyň wekiliýetine S.A.Şarifow, Eýranyň wekiliýetine K.G.Abadi, Gazagystanyň wekiliýetine Z.A.Amanžolowa we Russiýanyň wekiliýetine N.N.Udowiçenko ýolbaşçylyk etdi.

Mejlisiň dowamynda taraplar Hazar deňzinde asyl göni çyzyklary goýmagyň usullaryny ara alyp maslahatlaşdylar. Şeýle-de Hazar deňzindäki hyzmatdaşlygyň ösüşine syn berildi hem-de Daşary işler ministrleriniň nobatdaky duşuşygyna taýýarlyk meselelerine garaldy.

Hazar deňzi meseleleri boýunça iş toparynyň on birinji mejlisi 15-nji sentýabrda başlady we öz işini dowam etdirýär.

Türkmenbaşy şäherinde 12-nji awgustda Halkara Hazar güni mynasybetli geçirilen maslahatda 2026-njy ýylda Hazar sammitiniň Eýranda geçiriljekdigi mälim edildi.