Arkadag şäherinde täze ýaşaýyş jaýlarynyň açylyş dabarasy, 2024-nji ýylyň 29-njy iýuny, Türkmenistan (Surat: TDH)

Arkadag şäherinde maşgalalara täze köp gatly ýaşaýyş jaýlarynyň we kottejleriň açarlary gowşuryldy. Dabara Garaşsyzlygyň 34 ýyllygyna bagyşlanan çäreleriň çäginde geçirildi. Bu barada Türkmenistanyň resmi metbugaty habar berýär.

Çärä şäher häkimliginiň, edara-kärhanalaryň, jemgyýetçilik guramalarynyň wekilleri, ýaşulular we täze öýlere göçüp gelen maşgalalar gatnaşdy. Dabara gatnaşyjylar ýaňaýyş jaýlaryň ulanmaga berilmeginiň ýaşaýyş-durmuş derejesiniň ýokarlanmagyna we şäheriň ösüşine uly goşant goşýandygyny bellediler.

Arkadag şäherinde täze kottejleriň açylyş dabarasy, 2024-nji ýylyň 29-njy iýuny, Türkmenistan (Surat: TDH)

Arkadag şäherinde ulanmaga berilýän ýaşaýyş jaýlary ýokary tizlikli internet, IP telewideniýe we optiki süýümli aragatnaşyk ulgamy bilen üpjün edilendir. Şeýle hem ýaşaýjylar öýlerini uzak aralykdan dolandyrmaga mümkinçilik berýän sanly hyzmatlardan hem peýdalanyp bilerler.

Şäheriň gurluşygy iki tapgyrda amala aşyrylýar. «Akylly» şäher konsepsiýasyna laýyk gurlan desgalar ekologik talaplara laýyklykda bina edilendir. Ýaşaýyş jaýlaryndan başga-da medeni-durmuş, bilim, saglyk we sport maksatly desgalar şäheriň keşbini kämilleşdirýär.

Şol gün Garaşsyzlygyň 34 ýyllygyna bagyşlanyp, Ahal welaýatynyň Kaka etrabynyň Gowşut geňeşliginde täze döwrebap Bagtly zamana obasynyň açylyşy hem geçirildi.