Türkmenistanyň Prezidenti Serdar Berdimuhamedow anna güni sanly ulgam arkaly geçirilen Ministrler Kabinetiniň nobatdaky mejlisinde, ýurduň welaýatlarynda 10-njy sentýabrda pagta ýygymyna başlamaga ak pata berdi diýip, Türkmensitanyň resmi metbugaty habar berýär.

Türkmenistanyň Prezidenti Ministrler Kabinetiniň agzalaryna ýüzlenip, agrosenagat pudagy üçin geljekki möwsüminiň möhüm ornuny nygtady. Türkmen halkynyň däplere görä döwlet Baştutany hormatly ýaşululardan pagta ýygymyny “bismilla” bilen başlap bermeklerini haýyş etdi. 

Serdar Berdimuhamedow edermen pagtaçylara, ähli oba hojalyk işgärlerine alyp barýan işlerinde uly üstünlikleri arzuw etdi.

Ministrler Kabinetiniň mejlisinde döwlet durmuşyna degişli başga-da birnäçe meselelere seredildi, olar boýunça degişli çözgütler kabul edildi.