“Türkmenistan” awiakompaniýasy oktýabr aýyndan başlap, Kazan we Jidda ugurlary boýunça howa gatnawlarynyň sany artdyrar. Bu barada awiakompaniýanyň resmi metbugat gullugy habar berýär.

Habarda bellenilmegine görä, Kazan ugry boýunça howa gatnawlarynyň ýygylygy hepdede ikiden dörde çenli artdyrylar. Uçuşlar sişenbe, çarşenbe, şenbe we ýekşenbe günleri amala aşyrylar.

Jidda ugry boýunça howa gatnawlarynyň sany hepdede ikiden üçe çenli köpeler. Bu gatnawlar sişenbe, çarşenbe we anna günleri geçiriler. Uçuş tertibi we biletleri öňünden almak üçin maglumatlar awiakompaniýanyň resmi saýtynda elýeterlidir.

“Türkmenistan” awiakompaniýasy 1992-nji ýylda döredildi. Ol Dubaý, Abu-Dabi, Jidda, Deli, Bangkok, Hoşimin, Kuala-Lumpur, London, Frankfurt, Milan, Kazan we Stambul şäherlerine halkara howa gatnawlaryny amala aşyrýar.