Halkara Hazar güni mynasybetli Türkmenbaşy şäherinde geçirilen “Hazar deňzi – dostluk we parahatçylyk deňzi” atly maslahatynda Eýranyň Türkmenistandaky Adatdan daşary we Doly ygtyýarly Ilçisi Ali Mojtaba Ruzbehani eden çykyşynda 2026-njy ýylyň awgust aýynda Hazarýaka döwletleriniň sammitini Eýranda geçiriljegini mälim etdi. Bu barada TASS habarlar agentligi sişenbe güni habar berdi.

Diplomat bu çäräniň halkara Hazar deňzi gününe we Tehranyň konwensiýasynyň güýje girmeginiň 20 ýyllygyna bagyşlanandygyny nygtady. Sammite ähli Hazar döwletleriniň Prezidentleriniň gatnaşmagyna garaşylýar.

Diplomat 2025-nji ýylda Hazar deňziniň kenarýaka sebitleriniň häkimlerimiň ilkinji halkara duşuşygyny geçiriljegini hem aýtdy. Bu duşuşygyň maksady — sebitleýin diplomatiýany we ykdysady hyzmatdaşlygy ösdürmek, şeýle hem söwda, senagat, oba hojalygy, daşky gurşawy goramak we ulag ýaly ugurlarda bilelikdäki taslamalaryň esasynda tejribe alyşmak hem-de netijeli dialog gurmak üçin möhüm platforma döretmekden ybarat.

Ali Mojtaba Ruzbehani ýakyn wagtda ähli Hazarýaka döwletlerine çakylyklaryň hem-de çäräniň maksatnamasynyň iberiljekdigini aýtdy.

“Hazar deňzi – dostluk we parahatçylyk deňzi” atly ylmy-amaly maslahat 12-nji awgustda “Awaza” milli syýahatçylyk zolagynda halkara Hazar deňziniň gününe bagyşlanyp geçirildi.