Türkmenistanda 2026-njy ýylyň 1-nji ýanwaryndan güýje girjek “Saýlawçylaryň bitewi döwlet sanawy hakynda” Kanuny kabul edildi. Bu barada “Neýtralnyý Türkmenistan” gazetiniň penşenbe güni çap edilen sanynda habar berildi.

Sanawyň döredilmeginiň maksady saýlawçylary takyk hasaba almak we saýlawlaryň aç-açanlygyny ýokarlandyrmakdan ybaratdyr. Maglumatlar ýygyndysyna saýlawçynyň familiýasy, ady, doglan senesi, saýlaw salgysy hem-de kanunda görkezilen goşmaça maglumatlar girizilýär. Bu Kanun hasaba alyş maksatlary bilen baglanyşygy bolmadyk maglumatlaryň ýygnalmagyny gadagan edýär.

Sanawy dolandyrmak Türkmenistanda saýlawlary we sala salşyklary geçirmek boýunça merkezi toparyna tabşyrylyp, salýaw uçastoklaryna ygtyýarly döwlet edaralary jogapkärdir. Saýlawçylar sanawa goşulmak ýa-da  hasaba alnan maglumatlaryny üýtgetmek üçin arza tabşyryp bilerler.

Sanawdaky maglumatlar saýlaw wagtynda saýlawçylaryň tertibini düzmekde ulanylýar. Sanly sanawyň döredilmegi saýlaw ulgamyny kämilleşdirmäge we milli sanlylaşdyrma maksatnamalaryna laýyklykda maglumat tehnologiýalaryny giňden ulanmaga gönükdirilendir.

Bu Kanun Türkmenistanyň saýlawlarda ses bermek hukugy bolan raýatlarynyň bitewi döwlet sanawynyň döredilmeginiň hem-de alnyp barylmagynyň hukuk we guramaçylyk esaslaryny kesgitleýär.