“Awaza” Milli syýahatçylyk zolagynda halkara ülňülerine laýyk gelýän täze “Sähra” restorany işe başlady. BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň öňüsyrasynda açylan bu restoran deňziň kenar ýakasynda amatly ýerleşişi bilen ilkinji myhmanlaryny eýýäm özüne çekmegi başardy.

Restoran Gündogar we Ýewropa aşhanalarynyň däpleriniň utgaşdyrylmagyna esaslanyp döredilendir. Ussat aşpezler topary tarapyndan düzülen awtorlyk menýuda gündogar naharlarynyň nusgawy görnüşleri bolan palaw, etli tagamlar bilen bir hatarda, Ýewropa aşhanasynyň datly tagamlary hem hödürlenilýär. Restoranyň aşhanasynda ýerli täze we ter önümleri  bilen birlikde  ýokary hilli daşary ýurt önümleri hem giňden ulanylýar.

Zalyň içki bezegi häzirki zaman dizaýnynyň nepisligi bilen tebigatyň göwnejaý öwüşginlerini özünde jemleýär. Bu öwüşginler deňziň aram görnüşi bilen sazlaşykly utgaşýar.

“Sähra” restorany her gün myhmanlaryny ýokary derejeli hyzmaty we myhmansöýerligi bilen garşylaýar. Myhmanlar öňünden ýer bellemek üçin +993 71 185185, +993 71 285285 telefon belgilerine jaň edip ýa-da restoranyň Instagram sahypasy @sahra_awaza arkaly habarlaşyp bilerler.