Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow 28-nji iýunda Ermenistanyň daşary işler ministri Ararat Mirzoýan bilen telefon arkaly söhbetdeşlik geçirdi. Bu barada Ermenistanyň Daşary işler ministrligi habar berýär.

Taraplar ikitaraplaýyn syýasy dialogy we hyzmatdaşlygy mundan beýläk-de ösdürmek ugrunda alnyp barylýan häzirki tagallalary ara alyp maslahatlaşdylar.

Raşid Meredow bilen Ararat Mirzoýan köpugurly halkara meýdançalaryndaky hyzmatdaşlyk meseleleri boýunça hem pikir alyşdylar.

Telefon arkaly geçirilen söhbetdeşlik Türkmenistanyň we Ermenistanyň arasynda diplomatik gatnaşyklaryň dowam edýändigini tassyklaýar.