Habarlar / Habarlar
Türkmenistanyň Prezidenti Pakistanyň ýurtda täze bellenilen ilçisini kabul etdi

Türkmenistanyň Prezidenti Serdar Berdimuhamedow duşenbe güni Pakistanyň Türkmenistanda täze bellenen Adatdan daşary we Doly ygtyýarly ilçisi Farýal Legarini kabul etdi. Diplomat Türkmenistanyň döwlet Baştutanyna ynanç hatyny gowşurdy. Bu barada Türkmenistanyň resmi metbugaty habar berdi.

Ilçi wagt tapyp kabul edendigi üçin Türkmenistanyň Prezidentine hoşallyk bildirdi we Pakistanda Türkmenistanyň parahatçylyk söýüjilige esaslanýan syýasatyna ýokary baha berilýändigini aýtdy hem-de pursatdan peýdalanyp, Pakistanyň Prezidenti Asif Ali Zardariniň hem-de Premýer-ministri Mian Muhammad Şahbaz Şarifiň Türkmenistanyň Prezidentine, Türkmenistanyň Halk Maslahatynyň Başlygy Gurbanguly Berdimuhamedowa  iberen mähirli salamyny we iň gowy arzuwlaryny beýan etdi.

Türkmenistanyň döwlet Baştutany Pakistanyň ýolbaşçylaryna iň gowy arzuwlaryny beýan edip, iki ýurduň we halklarynyň diňe bir dost-doganlyk gatnaşyklarynyň däl, eýsem, ruhy, medeni, taryhy gymmatlyklaryň hem baglanyşdyrýandygyny belledi.

Türkmenistanyň Prezidenti Türkmenistan — Owganystan — Pakistan — Hindistan transmilli gaz geçirijisiniň, Türkmenistan — Owganystan — Pakistan ugry boýunça optiki-süýümli aragatnaşyk ulgamynyň, elektrik geçirijisiniň taslamalarynyň geljekde tutuş sebitiň durmuş-ykdysady taýdan ösmegine ýardam berjekdigine, şeýle hem Farýal Legariniň täze bellenen ilçi hökmünde iki ýurduň tagallalaryny utgaşdyrmak arkaly bu iri taslamalary amala aşyrmaga goşant goşjakdygyna ynam bildirdi. Şeýle-de söhbetdeşler iki ýurduň arasyndaky medeni-ynsanperwer gatnaşyklary pugtalandyrmagyň, bilim, ylym, saglygy goraýyş ulgamlarynda hyzmatdaşlygy ösdürmegiň aýratyn ähmiýetini bellediler.

Duşuşygyň ahyrynda Pakistanyň Türkmenistandaky Adatdan daşary we Doly ygtyýarly ilçisi Farýal Legari iki ýurduň arasyndaky däp bolan dostlukly gatnaşyklary mundan beýläk-de pugtalandyrmak babatda tagallalaryny gaýgyrmajakdygyna ynandyrdy.

Türkmenistan Altaý Respublikasyndaky maslahatda daşky gurşawy goramak diplom...
Türkmenistan Altaý Respublikasyndaky maslahatda daşky gurşawy goramak diplomatiýasyna ygrarlylygyny tassyklady
Türkmenbaşy Halkara deňiz portunyň işgärleri, Kuala-Lumpurdaky sebit maksa...
Türkmenbaşy Halkara deňiz portunyň işgärleri, Kuala-Lumpurdaky sebit maksatnamasynda Türkmenistana wekilçilik edýär
Türkmen halkynyň Milli Lideri, Türkmenistanyň Halk Maslahatynyň Başlygynyň we Özbegistan Respublikasynyň Prezidentiniň arasynda telefon arkaly söhbetdeşlik
Türkmenistanyň mugallymlary Almatyda C5+ONE sebitleýin maksatnamasynyň çäk...
Türkmenistanyň mugallymlary Almatyda C5+ONE sebitleýin maksatnamasynyň çäklerinde hünär derejelerini ýokarlandyrýarlar
Halkyň saglygy — ýurduň abadançylygy
Halkyň saglygy — ýurduň abadançylygy
Eýranyň Sarahs demir ýolunyň gurluşygy tamamlaýjy tapgyrda alnyp barylýar...
Eýranyň Sarahs demir ýolunyň gurluşygy tamamlaýjy tapgyrda alnyp barylýar
LLDC3 programmasy BMG-nyň Awazadaky maslahatynyň möhüm pursatlaryny sypdyrma...
LLDC3 programmasy BMG-nyň Awazadaky maslahatynyň möhüm pursatlaryny sypdyrmazlyga kömek eder
Hytaý kompaniýasy türkmen demir ýollary üçin lokomotiwlary döwrebaplaşdy...
Hytaý kompaniýasy türkmen demir ýollary üçin lokomotiwlary döwrebaplaşdyrmagy tamamlaýar
Türkmenistanda täze nebit guýujy beket açyldy
Türkmenistanda täze nebit guýujy beket açyldy
Türkmen halkynyň Milli Lideri Azerbaýjanyň Prezidenti bilen duşuşdy...
Türkmen halkynyň Milli Lideri Azerbaýjanyň Prezidenti bilen duşuşdy