2025-nji ýylyň ilkinji ýedi aýynda Türkmenistan bilen Hytaýyň günorta-günbatardaky iri şäherleriniň biri bolan Çunsin şäheriniň arasyndaky söwda dolanyşygy 193,3 göterim ýokarlandy.

Türkmenistan bilen Çunsin şäheriniň arasyndaky söwda dolanyşygy pul görnüşinde 43,9 million ýuana deňdir. Bu barada sişenbe güni “Sinhua” agentligi habar berdi.

2025-nji ýylyň ýanwar–iýul aýlarynda Çunsiň şäheriniň daşary söwda dolanyşygy 9,1 göterim ösüş gazanyp, 434,46 milliard ýuana ýetdi. Merkezi Aziýada ösýän bazarlaryň arasynda iň ýokary ösüş görkezdi we Latyn Amerika, Ýakyn Gündogar hem-de Afrika bazarlaryny yzda galdyrdy.

Çunsin şäheri Hytaýda noutbuklaryň, motosiklleriň we mobil telefonlaryň esasy eksport edijisi bolup durýär. Hytaýda bu harytlaryň eksporty boýunça Çunsin şaheri birinji, ikinji we bäşinji orny eýeleýär.

2024-nji ýylda bolsa Türkmenistanyň Hytaý bilen umumy söwda dolanyşygy 10,6 milliard ABŞ dollaryna deň boldy. Türkmen eksportynyň esasy bölegi tebigy gazdan ybarat bolup, ol Hytaýa turbageçiriji arkaly iberilýär.