Habarlar / Habarlar
Türkmen telekeçileri daşary ýurtly hyzmatdaşlary bilen şertnama baglaşdylar

19-njy martda Türkmenistanyň Söwda-senagat edarasynda Senagatçylar we telekeçiler birleşmesiniň döredilmeginiň 16 ýyllygy mynasybetli ýurduň dürli künjeginde iş alyp barýan hususy düzümleriň 230-dan gowragyny bir ýere jemläp, üç gün dowam eden sergi öz işini tamamlady. Bu waka bilen baglanyşykly geçirilen maslahat hususy pudakda geçen döwrüň dowamynda gazanylan üstünliklere ser salyp, geljekde öňde durýan möhüm wezipeleri kesgitlemekde uly ähmiýete eýe boldy. Bu barada «Türkmenistan» gazetinde habar berildi.

Habarda bellenilişi ýaly, özara tejribe hem pikir alyşmagyň, täze işewürlik hyzmatdaşlygyny ýola goýmagyň amatly meýdançasyna öwrülen serginiň dowamynda telekeçilerimiz daşary ýurtlardan getirilýän harytlaryň ornuny tutýan we eksport ugurly önümleriň giň toplumlary, olaryň önümçiliginde ornaşdyrylýan täze innowasion usullar bilen tanyşdyrdylar.

Giň gerimli forumda ýurduň hususy düzümleri bilen daşary ýurt kompaniýalarynyň arasynda hyzmatdaşlyk şertnamalaryna, ähtnamalara gol çekildi. Hususan-da, «Bagdan» hojalyk jemgyýeti bilen Türkiýäniň «Bulutlar Kuruyemiş Tarim» kompaniýasynyň arasynda baglaşylan şertnama mekgejöwen çipsilerini, pisse maňyzlaryny, lukumlary, wafli kökelerini, süýjüleri doganlyk ýurda eksport etmegi göz öňünde tutýar. Hojalyk harytlaryny öndürmek üçin himiýa serişdelerini satyn almak maksady bilen, «Täç hil» hususy kärhanasynyň we Türkiýäniň «Ostan Grup Diş Tijaret A.Ş.» kompaniýasynyň arasynda hem şertnama gol çekildi. «Belli tilsimat» hojalyk jemgyýeti bilen «Sinergiýa» kompaniýasynyň arasynda hyzmatdaşlyk etmek hakynda gol çekilen resminamalar maglumat tehnologiýalary ulgamynda netijeli gatnaşyklary ösdürmäge gönükdirilendir.
Ýurduň hususyýetçileriniň 29 müňe golaýyny özüne birleşdirýän Senagatçylar we telekeçiler birleşmesiniň döredilmeginiň 16 ýyllygy mynasybetli geçirilen forumyň ýapylyş dabarasynda oňa işjeň gatnaşan telekeçilere diplomlar gowşuryldy diýlip, habarda bellenilýär.

YHG-nyň Daşary işler ministrleriniň geňeşiniň mejlisiniň çäklerinde Türkmenistanyň başlangyjy bilen biragyzdan karanama kabul edildi
Türkmen kärendeçileri Watan harmanyna 1 million tonnadan gowrak bugdaý tabş...
Türkmen kärendeçileri Watan harmanyna 1 million tonnadan gowrak bugdaý tabşyrdylar
Iýun II hepde: Eksport geleşikleri $33 milliona golaýlady...
Iýun II hepde: Eksport geleşikleri $33 milliona golaýlady
Raşid Meredow ABŞ-nyň Döwlet sekretarynyň orunbasary bilen telefon söhbetd...
Raşid Meredow ABŞ-nyň Döwlet sekretarynyň orunbasary bilen telefon söhbetdeşligini geçirdi
Türkmenistanyň Prezidenti Oleg Kononenkony doglan güni bilen gutlady...
Türkmenistanyň Prezidenti Oleg Kononenkony doglan güni bilen gutlady
Türkmenistan Atom energiýasy boýunça halkara agentligi bilen hyzmatdaşlygy ...
Türkmenistan Atom energiýasy boýunça halkara agentligi bilen hyzmatdaşlygy ösdürmegi meýilleşdirýär
Aşgabatda türkmen milli lybaslarynyň görkezilişi geçirildi...
Aşgabatda türkmen milli lybaslarynyň görkezilişi geçirildi
Szinhua şäherinden ilkinji ýük otlusy Türkmenistandan üstaşar geçer...
Szinhua şäherinden ilkinji ýük otlusy Türkmenistandan üstaşar geçer
Türkmenistanyň Gazy eksport ediji ýurtlaryň forumy bilen hyzmatdaşlygynyň ...
Türkmenistanyň Gazy eksport ediji ýurtlaryň forumy bilen hyzmatdaşlygynyň ösdürilmegi maslahatlaşyldy
Türkmen wekiliýeti Ýewropa Bileleşiginiň wekilleri bilen birnäçe duşuşy...
Türkmen wekiliýeti Ýewropa Bileleşiginiň wekilleri bilen birnäçe duşuşyklary geçirdi